ఘనంగా మాత రమాబాయి అంబేడ్కర్ జయంతి

మాల మహానాడు ఆధ్వర్యంలో దేవరకొండ పట్టణంలోని అంబేద్కర్ విగ్రహం వద్ద శుక్రవారం మాత రమాబాయి అంబేద్కర్ చిత్రపటానికి పూలమాలలు వేసి ఘనంగా నివాళులర్పించారు ఈ సందర్భంగా మాల మహానాడు దేవరకొండ నియోజకవర్గం అధ్యక్షులు బోయిని చంద్రమౌళి మాట్లాడుతూ బాబాసాహెబ్ అంబేద్కర్ ప్రతి విజయానికి మూలస్థంభం మాత రమాబాయి అని భారత రాజ్యాంగ నిర్మాత డాక్టర్ బాబాసాహెబ్ అంబేడ్కర్ జీవితాన్ని, విజయాన్ని కి, తోడుగా నిలిచి, తన జీవితాన్ని త్యాగం చేసిన మాత రమాబాయి అంబేడ్కర్ అని అన్నారు  ఈ రోజు, 7 ఫిబ్రవరి 1898, ఆమె జన్మదినం సందర్భంగా, ఆమె త్యాగాలను, సహనాన్ని మరియు ఆమె అద్భుతమైన సహచర్యాన్ని స్మరించుకోవాలి,పేదరికంలో పుట్టి బాధ్యతలతో పెరిగిన బాల్యం రమాబాయి 1898లో మహారాష్ట్రలోని దాభోల్ అనే చిన్న గ్రామంలో ఓ పేద దళిత కుటుంబంలో జన్మించారు. ఆమె తండ్రి భీకూ ధాత్రే, తల్లి రుక్మిణీ. తండ్రి కూలీగా పనిచేసేవారు. పేదరికం కారణంగా చిన్న వయస్సులోనే తల్లిదండ్రులను కోల్పోయిన రమాబాయిని, ఆమె తోబుట్టువులతో కలిసి, ముంబైలో నివసిస్తున్న ఆమె బందువు దగ్గరకు తీసుకెళ్లారు.
భీమ్రావ్ తో వివాహం 1906లో 9 సంవత్సరాల వయస్సులో రమాబాయికి 15 ఏళ్ల భీమ్రావ్ అంబేడ్కర్ తో వివాహం జరిగింది. అప్పటి సామాజిక పరిస్థితుల్లో బాల్యవివాహాలు చాలా సాధారణం అని తెలిపారు ఈ కార్యక్రమంలో కాంగ్రెస్ పార్టీ రాష్ట్ర నాయకులు డాక్టర్ ఏ కుల రాజారావు, మాల మహానాడు నియోజకవర్గ నాయకులు చెన్నయ్య, చలి చీమల పర్వతాలు,  డిండి మండలం అధ్యక్షులు నారీమల్ల మల్లేష్, నూనె ప్రసన్నకుమార్ ,గోరటి అంజి, బయ్య శ్రీను, నారీమల్ల భాస్కర్, నారిమల్ల శ్రీనయ్య, అంజి, తదితరులు పాల్గొన్నారు.