ఢిల్లీలో బిజెపి ఘన విజయం బిజెపి శ్రేణుల సంబరాలు

ఢిల్లీ అసెంబ్లీ ఎన్నికలలో  ప్రధాన మంత్రి నరేంద్ర మోడీ నాయకత్వంలో బిజెపి ఘనవిజయాన్ని పురస్కరించుకొని పెద్దపల్లి జిల్లా కేంద్రంలో బిజెపి రాష్ట్ర ప్రధాన కార్యదర్శి దుగ్యాల ప్రదీప్ కుమార్ ఆదేశాల మేరకు బిజెపి పార్టీ నాయకులు పెద్దపల్లి పట్టణంలోని జెండా కూడలిలో  బాణా సంచలు కాల్చి,సీట్లు పంపిణీ చేసి ఘనంగా సంబరాలు చేయడం జరిగినది.బిజెపి నాయకులు మాట్లాడుతూ  అంచనాలకు తగ్గట్లుగానే ఢిల్లీ అసెంబ్లీ ఎన్నికల్లో బీజేపీ ఆధిక్యతను చూపిస్తూ విజయం పథంలో దూసుకుపోయింది.బీజేపీకి ఇది చారిత్రాత్మక విజయమని తెలిపారు. ఆప్‌ను చిత్తుగా ఓడించడం గొప్ప ఆనందం ఇచ్చిందని తెలిపారు.గత ఎన్నికల తీర్పునకు భిన్నంగా డబుల్ ఇంజన్ సర్కార్‌కు ఢిల్లీ ప్రజలు తీర్పు ఇచ్చారని అన్నారు. మరోసారి మోదీ నాయకత్వానికి ఢిల్లీ ఓటర్లు జైకొట్టారని అన్నారు.ఆప్ వాగ్దానాలను ప్రజలు విశ్వసించలేదని అన్నారు. అవినీతి పాలనకు ప్రజలు చరమగీతం పాడారన్నారు.
ఆప్ నేతలు అధికార దుర్వినియోగం చేశారని విమర్శించారు. సామాన్యుడిని అని చెప్పుకునే కేజ్రీవాల్ ఆడంబరాలకు పోయి అవినీతికి పాలనలో కురుకుపోయారు అన్నారు. . పోటీ చేసిన స్థానంలో గెలుపుకోసం ఆరాటపడే స్థాయికి కేజ్రీవాల్ దిగజారిపోయారు.ఢిల్లీ ప్రజలు ఆప్‌కు చెంపపెట్టులాంటి తీర్పు ఇచ్చారని అన్నారు. ఢిల్లీలో బీజేపీ పార్టీ మోడీ నాయకత్వంలో ఇచ్చిన ప్రతి హామీని నెరవేరుస్తుంది అన్నారు.మోదీ అంటేనే విశ్వాసం, నమ్మకం ఇచ్చిన హామీలను అమలు చేస్తారాని చెప్పారు. ప్రజలకు మేలు చేసేలా బిజెపి పాలన కొనసాగుతుందని  పేర్కొన్నారు.ఇక కాంగ్రెస్ పార్టీ అయితే ఒక స్థానంలో కూడా గెలవలేకపోయింది కనీసం ఒక అసెంబ్లీ స్థానంలో కూడా రెండో స్థానంలో లేదు చేసిన ప్రతి చోట మూడో స్థానంలో ఉండిపోయారు అన్నారు.ఈకార్యక్రమంలో పెద్దపల్లి పట్టణ అధ్యక్షులు పెంజర్ల రాకేష్ ,మండల అధ్యక్షులు వేల్పుల రమేష్, రాష్ట్ర కార్యవర్గ సభ్యులు శిలారపు  పర్వతాలు, సీనియర్ నాయకులు తంగడ రాజేశ్వరరావు,పోల్సాని సంపత్ రావు,కౌన్సిల్ మెంబర్స్ కావేటి రాజగోపాల్, మేకల శ్రీనివాస్ ,వొళ్లే తిరుపతి,పడాల శ్రీధర్,ఆడెపు రమేష్,గుడ్ల సతీష్,గాదాసీ సతీష్,పిట్ట వినయ్,సోడా బాబు,జాపతి సంతోష్, శివయ్య,లింగయ్య,వేణు, రాజా, ఉదయ్ ,కిరణ్ ,మధు, కరణ్ ,కుక్క ఆంజనేయులు,  శివ, శ్రావణ్ ,సతీష్,బిజెపి నాయకులు కార్యకర్తలు పాల్గొన్నారు.