ఉచిత వైద్య శిబిరానికి భారీ స్పందన
Telangana Telugu | Suryaa Desk | Published : Tue, Feb 11, 2025, 01:06 PM
జూలపల్లి మండల కేంద్రంలోని బాలుర ఉన్నత పాఠశాల ఆవరణలో కరీంనగర్ లోని సురక్ష హాస్పిటల్ వారిచే నిర్వహించిన ఉచిత ఎముకల వైద్య శిబిరానికి భారీ స్పందన లభించింది. పెద్ద ఎత్తున ప్రజలు సద్వినియోగం చేసుకున్నారని మెడికల్ క్యాంప్ నిర్వాహకులు అమరగాని ప్రదీప్ కుమార్ తెలిపారు. గ్రామీణ ప్రాంత ప్రజలకు కార్పొరేట్ స్థాయి వైద్య సేవలు అందించాలనేదే తమ లక్ష్యమని, ప్రతీ ఆదివారం తమ సురక్ష ఆసుపత్రి ఆధ్వర్యంలో ఉచిత వైద్య శిబిరాలు నిర్వహిస్తున్నామని దానిలో భాగంగా ఈరోజు జూలపల్లిలో నిర్వహించిన.
ఈ శిబిరానికి అపూర్వ స్పందన లభించిందని డాక్టర్ చొక్కారపు రాము సంతోషం వ్యక్తం చేశారు.తమ ఆహ్వానాన్ని మన్నించి మా గ్రామ ప్రజలకు విశేష వైద్య సేవలు అందించినందుకు సురక్ష ఆసుపత్రి అధినేత డాక్టర్ చొక్కారపు రాము క్యాంపు నిర్వాహకులు ప్రదీప్ కుమార్ ప్రత్యేక ధన్యవాదాలు తెలియజేశారు.ఈ కార్యక్రమంలో సురక్ష హాస్పిటల్ అడ్మిన్ ముద్దసాని హరికృష్ణ ఆసుపత్రి సిబ్బంది బిజెపి నాయకులు పెద్దోళ్ళ అయిలయ్య,కొమ్మ ఐలయ్య, మేరుగు కనకయ్య,కోడూరి రాజశేఖర్ గ్రామ ప్రజలు తదితరులు పాల్గొన్నారు.
|
|