చెన్నూరు పట్టణ లైవ్ ఆర్టిస్ట్ ఏల్పుల పోచం గారికి ఇండియా బుక్ రికార్డు అవార్డు రావడం చాల హర్షణీయం
Telangana Telugu | Suryaa Desk | Published : Sun, Feb 16, 2025, 11:56 AM
తన నేర్చుకున్న లైవ్ ఆర్ట్ అనే కళను నమ్ముకొని కాశ్మీర్ నుండి కన్యాకుమారి వరకి ఇటు గుజరాత్ నుండి అటు ఈశాన్య రాష్ట్రాల వరకు సాగిన ఈ ప్రయాణం లో ఎన్నో ఒడిదుడుకులను ఎదుర్కొని అదే విధంగా తన దగ్గర ఉన్న ఒక సాధారణ సైకిల్ పై దాదాపు దేశం మొత్తం తిరిగి ఆయా రాష్ట్రాలలో ఉన్న ప్రజల జీవన విధానాలను మరియు ప్రకృతి సౌందర్యాన్ని తన కళం తో ఒక చిన్న కాగితం పై మన కళ్ళకి కట్టినట్లు ఈ ప్రపంచానికి చూపించి, ఈ రోజు తన ఆశయనికి తగ్గ ఫలితం హర్యానా రాష్ట్రం లో ఇండియా బుక్ రికార్డ్స్ అవార్డు ద్వారా నెరవేరింది అనే చెప్పుకోవాలి.
మళ్లీ ఇదే లైవ్ ఆర్ట్ అనే కళను తన జీవిత ఆశయం గా చేసుకొని చాలి చాలని ఆకలి తో ఎన్నో నిద్ర లేని రాత్రులు గడిపి ,తన స్నేహితులు కూడా తన ఆశయాన్ని గుర్తించి తమ వంతుగా ఆర్థిక సహాయం చేస్తూ తన ఈ ప్రయాణం లో తోడు గా నిలిచారు . ఒక్కో ప్రదేశం లో తన వేషధారణ ను చూసి అపహేళన చేసిన వారు ఉన్నారు అలాగని అభినందించిన వారు లేకపోలేదు. ఇలా ఎన్నో ఇబ్బందులు పడుతూ చివరకు తన ఆశయాన్ని సక్సెసఫుల్ గా కంప్లీట్ చేసి ఈ రోజు ఇండియా బుక్ అఫ్ రికార్డ్స్ అవార్డు తీసుకోవడం మా చెన్నూరు గ్రామానికి ఎంతో గర్వకారణం అని ఏల్పుల పొచం అన్నకు తన ఈ ప్రయాణంలో తోడు గా నిలిచిన ప్రతి ఒక్కరికీ చెన్నూర్ లయన్స్ క్లబ్ వారి తరుపున పేరు పేరున ధన్యవాదాలు తెలుపుతున్నాను
|
|