వైభవంగా శివ మహా పడిపూజ
Telangana Telugu | Suryaa Desk | Published : Sat, Feb 22, 2025, 02:19 PM
మండల పరిధిలోని నాంచేరి గ్రామంలో శుక్రవారం ముడిమ్యాల పీఎసీఎస్ చైర్మన్ గోనే ప్రతాప్ రెడ్డి ఆధ్వర్యంలో శివ మహా పడిపూజ భక్తిశ్రద్ధలతో వైభవంగా నిర్వహించారు. ఉదయం నుంచి గణపతి పూజ, శివుడికి ప్రత్యేక అర్చన అభిషేకాలు నిర్వహించి రుద్రాభిషేకం, ప్రత్యేక పూజలు నిర్వహించారు. అనంతరం పన్నెండు మెట్లకు కార్పురాలు పెట్టి పడి కాల్చారు. అనంతరం భక్తులకు, స్వాములకు అన్నప్రసాద వితరణ చేశారు. ఈ శివ మహా పడిపూజతో ఉదయం నుంచి సాయంత్రం వరకు గ్రామంలో భక్తి పారవశ్యం సంతరించుకుంది.
మండలంలోని వివిధ గ్రామాల నుంచి వచ్చిన శివ స్వాములు పడిపూజలో పాల్గొని శివనామస్మరణాన్ని జపించారు. ఈ కార్యక్రమంలో చేవెళ్ల మార్కెట్ కమిటీ చైర్మన్ పెంటయ్య గౌడ్, బీజేపీ మండలాధ్యక్షులు అత్తెల్లి అనంత్ రెడ్డి, ముడిమ్యాల సొసైటీ వైస్ చైర్మెన్ ఎర్ర మల్లేష్, మాజీ సర్పంచులు రవీందర్ రెడ్డి, పడాల ప్రభాకర్, గుడిమల్కాపూర్ మార్కెట్ కమిటీ డైరెక్టర్ పాండు యాదవ్, సర్వేయర్ శంకరయ్య, ఆయా గ్రామాల నాయకులు, శివ భక్తులు, మహిళలు పాల్గొన్నారు.
|
|