సిక్సా లేక అవుటా? KKR vs LSG మ్యాచ్‌లో పెద్ద కాంట్రవర్సీ

KKR vs LSG: ఐపీఎల్ 2026 సీజన్‌లో భాగంగా Eden Gardens వేదికగా Kolkata Knight Riders, Lucknow Super Giants మధ్య జరిగిన మ్యాచ్ వివాదాస్పదంగా మారింది.టాస్ గెలిచిన లక్నో కెప్టెన్ Rishabh Pant ముందుగా బౌలింగ్ ఎంచుకోగా, కేకేఆర్ బ్యాటింగ్ ప్రారంభించింది. అయితే, ఇన్నింగ్స్ ఆరంభంలోనే థర్డ్ అంపైర్ తీసుకున్న ఒక నిర్ణయం పెద్ద చర్చకు దారితీసింది. అది క్యాచ్ కాదు సిక్సర్ అని అభిమానులు, మాజీ క్రికెటర్లు అభిప్రాయపడుతున్నారు.కేకేఆర్ ఇన్నింగ్స్ రెండో ఓవర్లో ఈ ఘటన చోటుచేసుకుంది. Prince Yadav వేసిన బంతిని ఓపెనర్ Finn Allen గాల్లోకి లేపాడు. థర్డ్ మ్యాన్ వైపు వెళ్లిన బంతిని ఫీల్డర్ Digvesh Rathi అద్భుతంగా డైవ్ చేసి పట్టుకున్నాడు.అయితే, క్యాచ్ పట్టే సమయంలో అతని కాలు బౌండరీ కుషన్‌కు చాలా దగ్గరగా ఉండటం సందేహాలకు కారణమైంది. రీప్లేలో కొన్ని యాంగిల్స్‌లో అతని కాలు బౌండరీని తాకినట్లు కనిపించినా, థర్డ్ అంపైర్ పూర్తి స్థాయిలో పరిశీలించకుండానే అవుట్‌గా ప్రకటించడం వివాదానికి దారితీసింది.ఈ నిర్ణయంపై Mohammad Kaif తీవ్రంగా స్పందించాడు. “ఇది క్లియర్‌గా సిక్సర్‌లా కనిపిస్తోంది. ఇన్ని కెమెరాలు ఉన్నప్పటికీ, అన్ని యాంగిల్స్ చెక్ చేయకుండా ఎలా నిర్ణయం తీసుకుంటారు?” అంటూ లైవ్ కామెంట్రీలోనే ప్రశ్నించాడు. అంపైర్ల నిర్ణయం వల్ల కీలక బ్యాటర్ వికెట్ కోల్పోయాడని ఆయన అభిప్రాయపడ్డాడు.ఈ ఘటనలో Finn Allen 8 బంతుల్లో 9 పరుగులు చేసి ఔట్ అయ్యాడు. అతను క్రీజులో ఉంటే పవర్ ప్లేలో మ్యాచ్ దిశను మార్చే అవకాశం ఉందని అభిమానులు భావిస్తున్నారు.ఈ వివాదంపై సోషల్ మీడియాలో తీవ్ర చర్చ కొనసాగుతోంది. బౌండరీ కుషన్ కదిలినట్లు కనిపిస్తున్నా ఎందుకు అవుట్ ఇచ్చారంటూ నెటిజన్లు ప్రశ్నిస్తున్నారు. కేకేఆర్‌కు అన్యాయం జరిగిందని, అంపైర్ల నిర్ణయం మ్యాచ్ ఫలితాన్ని ప్రభావితం చేసే అవకాశం ఉందని అభిప్రాయపడుతున్నారు.