బుమ్రా బౌలింగ్ అంత గొప్ప కాదు: వైభవ్ సూర్యవంశీ సంచలన వ్యాఖ్యలు

ఐపీఎల్‌లో Mumbai Indians స్టార్ పేసర్, టీమిండియా యార్కర్ల కింగ్ Jasprit Bumrah బౌలింగ్ అంత భీకరంగా అనిపించలేదని Vaibhav Suryavanshi తెలిపాడు. బౌలర్ కంటే బంతిపైనే ఎక్కువగా ఫోకస్ పెట్టానని చెప్పాడు.2026 సీజన్‌లో మంగళవారం జరిగిన మ్యాచ్‌లో Rajasthan Royals తరఫున ఆడిన ఈ 15 ఏళ్ల టీనేజ్ సెన్సేషన్ విధ్వంసకర బ్యాటింగ్‌తో ఆకట్టుకున్నాడు. 14 బంతుల్లో ఫోర్, 5 సిక్స్‌లతో వేగంగా పరుగులు సాధించాడు.ఈ మ్యాచ్‌లో బుమ్రా బౌలింగ్‌ను ఎలాంటి భయం లేకుండా ఎదుర్కొన్న వైభవ్, తన కెరీర్‌లో తొలిసారి అతని బౌలింగ్ ఆడినా ధైర్యంగా చెలరేగాడు. తాను ఎదుర్కొన్న బంతుల్లో భారీ సిక్స్‌లు కొట్టి తన ప్రతిభను చాటుకున్నాడు.వర్షం అంతరాయం కలిగించిన ఈ మ్యాచ్‌లో వైభవ్‌కు తోడుగా Yashasvi Jaiswal (32 బంతుల్లో 77*) అద్భుతంగా ఆడి, రాజస్థాన్ జట్టుకు విజయం అందించాడు. ఈ మ్యాచ్‌లో రాజస్థాన్ రాయల్స్ 27 పరుగుల తేడాతో ముంబై ఇండియన్స్‌ను ఓడించింది.మ్యాచ్ అనంతరం మాట్లాడుతూ వైభవ్ సూర్యవంశీ, బుమ్రా బౌలింగ్‌పై స్పందించాడు. “ఆరంభంలో బుమ్రాను చూసి కొంత టెన్షన్ వచ్చింది. కానీ తర్వాత నా సహజ ఆటపై నమ్మకం ఉంచి, బౌలర్ కంటే బంతినే చూసి ఆడాను” అని తెలిపాడు.అతను ఇంకా మాట్లాడుతూ, ప్రాక్టీస్ సెషన్లు తనకు చాలా ఉపయోగపడతాయని చెప్పాడు. “త్రోడౌన్ స్పెషలిస్ట్‌లు తక్కువ దూరం నుంచి వేగంగా బంతులు విసరడం వల్ల, మ్యాచ్‌లో బంతిని త్వరగా గుర్తించడానికి సహాయం అవుతుంది” అన్నాడు.గుజరాత్‌తో మ్యాచ్ తర్వాత తన బ్యాటింగ్‌లో లోపాలు గుర్తించి, వాటిని సరిచేసుకోవడానికి కృషి చేశానని తెలిపాడు. “ముంబై మ్యాచ్‌కు ముందు ఎక్కువగా నెట్స్‌లో ప్రాక్టీస్ చేశాను. అదే నాకు మ్యాచ్‌లో ఉపయోగపడింది” అని చెప్పాడు.“గత ఇన్నింగ్స్‌ల్లో నేను మంచి షాట్లు ఆడినా ఔట్ అయ్యాను. కానీ ఈ మ్యాచ్‌లో ఎక్కువసేపు ఆడే అవకాశం ఉంటే ఇంకా పెద్ద స్కోర్ చేసేవాడిని” అని వైభవ్ సూర్యవంశీ పేర్కొన్నాడు.