30 రైళ్లు రద్దు, ఆ ట్రైన్ జర్నీకి సికింద్రాబాద్ వెళ్లకండి.

రైల్వే ప్రయాణికుల డిమాండ్‌ మేరకు దక్షిణ మధ్య రైల్వే అధికారులు కొన్ని ప్రత్యేక రైళ్లను జూన్‌ చివరి వారం వరకు పొడిగిస్తున్నట్లు ప్రకటించారు. హైదరాబాద్‌-రాక్సల్‌, సికింద్రాబాద్‌-రాక్సల్‌, చర్లపల్లి-రాక్సల్‌, సికింద్రాబాద్‌-ధన్‌పూర్‌, చర్లపల్లి-ధన్‌పూర్‌ మధ్య నడిచే రైళ్లు జూన్‌ చివరి వారం వరకు కొనసాగిస్తామని వారు తెలిపారు.

అలాగే.. సోలాపూర్‌-ఎల్‌టీటీ ముంబై, తిరుపతి-సోలాపూర్‌ మధ్య కూడా కొన్ని ప్రత్యేక రైళ్లను ఏప్రిల్‌ చివరి వారం వరకు పొడిగించాలని వారు ప్రకటించారు. ఈ నిర్ణయం ప్రయాణికుల సౌకర్యాన్ని మరింత పెంచుతుందని.. ప్రత్యేకంగా ఈ మార్గాల్లో ప్రయాణిస్తున్న వారికోసం ఈ నిర్ణయం ఎంతగానో ఉపయోగపడుతుందన్నారు. అయితే కొన్ని మార్గాల్లో రైళ్లను రద్దు చేశారు. సికింద్రాబాద్‌-దర్భంగా రైలు (17007-17008) కొన్ని కారణాల వల్ల ఏప్రిల్ 8, 11, 12, 15, 18, 19, 22, 25 తేదీల్లో రద్దు చేయబడతాయని వారు ప్రకటించారు. ఈ రైళ్ల రద్దుకు కారణం.. సౌత్‌ఈస్ట్‌ సెంట్రల్‌ రైల్వే పరిధిలోని కొటార్లియా స్టేషన్‌లో జరుగుతున్న నాన్-ఇంటర్‌లాకింగ్‌ పనులే.

ఇదిలా ఉండగా.. హైదరాబాదు-షాలిమార్‌ ఈస్ట్‌కోస్ట్‌ ఎక్స్‌ప్రెస్‌ (18045-18046) రైలు ఇప్పటి వరకు హైదరాబాద్‌ స్టేషన్‌ నుంచి ప్రారంభమైనా.. జూన్ 15 నుంచి చర్లపల్లి టెర్మినల్‌ నుంచి ప్రారంభమవుతుందని దక్షిణ మధ్య రైల్వే అధికారులు తెలిపారు. ఉగాది పండుగ సందర్భంగా.. గుంటూరు-హుబ్లీ మధ్య ప్రత్యేక రైళ్లు కూడా నడుపుతామని అధికారులు వెల్లడించారు. మార్చి 31న గుంటూరు-హుబ్లీ (07271) ప్రత్యేక రైలు, ఏప్రిల్ 1న హుబ్లీ-గుంటూరు (07272) మధ్య ప్రత్యేక రైళ్లు నడుస్తాయని వివరించారు.

మే 23వ తేదీ నుంచి 29 వరకు.. సికింద్రాబాద్‌ డివిజన్‌ పరిధిలోని మహబూబాబాద్‌ స్టేషన్‌లో జరుగుతున్న నాన్‌ఇంటర్‌లాకింగ్‌ పనుల కారణంగా 30 రైళ్లను రద్దు చేస్తున్నట్లు దక్షిణ మధ్య రైల్వే ప్రకటించింది. ఈ రైళ్లు రద్దయ్యే సమయంలో.. మరికొన్ని రైళ్ల రాకపోకల వేళల్లో మార్పులు చేశారు.11 రైళ్లను దారి మళ్లించారు. 6 రైళ్లను పాక్షికంగా రద్దు చేయడం.. మరో 4 రైళ్ల వేళలను మార్చడం వంటి నిర్ణయాలు తీసుకున్నారు. 35రైళ్లకు ఆయా తేదీల్లో మహబూబాబాద్‌ స్టేషన్‌లో స్టాపేజీని ఎత్తివేశామని సీపీఆర్‌ఓ శ్రీధర్‌ వెల్లడించారు.

ఈ చర్యలన్నీ ప్రస్తుతం రైల్వే స్టేషన్ల ఆధునికీకరణ పనుల కారణంగా అధికారులు ఈ నిర్ణయం తీసుకున్నారు. రైళ్ల వేళల్లో మార్పులు, రద్దుల కారణంగా.. ప్రయాణికులు తమ ప్రయాణాల కోసం ముందస్తు సమాచారం సేకరించడం.. సమయాలను పరిగణనలోకి తీసుకొని రైలు ప్రయాణం చేయడం ఎంతో అవసరమవుతుంది.