హైదరాబాద్లో దారుణం.. బీర్ బాటిల్తో కొట్టడంతో యువకుడు మృతి
Telangana Telugu | Suryaa Desk | Published : Mon, May 26, 2025, 03:30 PM
హైదరాబాద్లోని రామంతపూర్లో గల శ్రీ గుడ్డే బార్లో ఆదివారం రాత్రి దారుణ ఘటన చోటు చేసుకుంది. శ్రవణ్ అనే వ్యక్తి బీర్ బాటిల్తో తీవ్రంగా కొట్టడంతో పవన్ కుమార్ (25) అక్కడికక్కడే మృతి చెందాడు.
పోలీసుల వివరాల ప్రకారం, రాత్రి 11 గంటల సమయంలో బార్లో హరి, శ్రవణ్ల మధ్య గొడవ జరిగింది. ఈ గొడవను సమసిప్తం చేసేందుకు పవన్ కుమార్ మధ్యలో జోక్యం చేసుకోగా, శ్రవణ్ బీర్ బాటిల్తో అతన్ని కొట్టాడు. ఈ దెబ్బ తీవ్రంగా తగలడంతో పవన్ అక్కడే కుప్పకూలి మృతి చెందాడు.
హరి, శ్రవణ్, పవన్ కుమార్ ముగ్గురూ అంబర్పేట నివాసులు, పరిచయస్తులని పోలీసులు గుర్తించారు. ఈ ఘటనపై రామంతపూర్ పోలీస్ స్టేషన్లో కేసు నమోదైంది. నిందితులను అదుపులోకి తీసుకుని విచారణ జరుపుతున్నారు.
ఈ ఘటన స్థానికంగా కలకలం రేపింది. మద్యం తాగిన సమయంలో జరిగే గొడవలు ఎంత ప్రమాదకరంగా మారుతాయో ఈ సంఘటన మరోసారి రుజువు చేసింది.
|
|