జగిత్యాల ఎమ్మెల్యేను మర్యాదపూర్వకంగా కలిసిన నూతన ప్రెస్ క్లబ్ కార్యవర్గం

జగిత్యాల జిల్లా కేంద్రంలో ఇటీవల ఎన్నికైన టీయూడబ్ల్యూజే (ఐజేయు) అనుబంధ జగిత్యాల ప్రెస్ క్లబ్ నూతన కార్యవర్గ సభ్యులు మంగళవారం ఎమ్మెల్యే డా. సంజయ్ కుమార్‌ను మర్యాదపూర్వకంగా కలిశారు. ఈ సందర్భంగా ప్రెస్ క్లబ్ బాధ్యులు తమ నూతన కార్యవర్గ వివరాలను ఎమ్మెల్యేకు వివరించి, పుష్పగుచ్ఛం అందజేశారు. ప్రజా సమస్యల పరిష్కారంలోనూ, ప్రభుత్వ పథకాలను ప్రజల్లోకి తీసుకెళ్లడంలోనూ జర్నలిస్టుల పాత్ర అత్యంత కీలకమని ఎమ్మెల్యే ఈ సందర్భంగా కొనియాడారు.
నూతనంగా ఎన్నికైన ప్రెస్ క్లబ్ సభ్యులందరికీ ఎమ్మెల్యే డా. సంజయ్ కుమార్ ప్రత్యేకంగా శుభాకాంక్షలు తెలియజేశారు. అనంతరం కార్యవర్గ సభ్యులను ఆయన శాలువాలతో ఘనంగా సత్కరించి, గౌరవపూర్వక అభినందనలు అందజేశారు. జర్నలిస్టుల సంక్షేమం కోసం తన వంతు సహకారం ఎల్లప్పుడూ ఉంటుందని, ప్రెస్ క్లబ్ అభివృద్ధికి శక్తివంచన లేకుండా కృషి చేస్తానని ఎమ్మెల్యే ఈ సందర్భంగా భరోసా కల్పించారు.
ఈ కార్యక్రమంలో ప్రెస్ క్లబ్ అధ్యక్షుడు ఎల్లాల రాజేందర్ రెడ్డి, ప్రధాన కార్యదర్శి కందుకూరి శశిధర్, ఉపాధ్యక్షులు ముసిపట్ల దేవేందర్, బద్దెనపల్లి మల్లేశం మరియు శనిగరపు శ్రీనివాస్ పాల్గొన్నారు. వారితో పాటు కోశాధికారి బోయినపల్లి శ్రీధర్, ఆర్గనైజింగ్ కార్యదర్శి కడార్ల రంజిత్ కుమార్, సంయుక్త కార్యదర్శులు బద్దం నారాయణరెడ్డి, గాజుల మహేష్ తమ బాధ్యతల పట్ల నిబద్ధతతో పనిచేస్తామని ఎమ్మెల్యేకు వివరించారు.
కార్యవర్గ సభ్యులు నీరటి గంగాధర్, కల్లెడ హరీష్, ఎల్ల క్రాంతి కుమార్, సామా మహేష్, వాసం రఘు, ఎండి సాబేర్, కట్కూరి సంతోష్, దిండిగల శ్రీనివాస్ తదితరులు ఈ మర్యాదపూర్వక భేటీలో పాల్గొన్నారు. ప్రెస్ క్లబ్ భవన వసతులు మరియు జర్నలిస్టుల సమస్యలపై ఎమ్మెల్యే సానుకూలంగా స్పందించడంతో సభ్యులందరూ హర్షం వ్యక్తం చేశారు. నియోజకవర్గ అభివృద్ధిలో మీడియా ప్రతినిధులుగా తమ వంతు సహకారం అందిస్తామని వారు పేర్కొన్నారు.