పిండి వంటలు వండిన ఐరన్ పాత్రలు మసిగా మారాయా, ఇలా తోమితే మళ్లీ తెల్లగా మారతాయి

ఇనుప పాత్రల్లో ఫుడ్ వండడం ఎంత ఆరోగ్యకరమో, తర్వాత వాటిని క్లీన్ చేయడం కూడా అంత కష్టం. దీనికి కారణం అవి త్వరగా నల్లగా, మురికిగా మారతాయి. వీటిని ఎప్పటికప్పుడు క్లీడ్ చేయడం మంచిది. లేకపోతే మసి పేరుకుపోయి చూడ్డానికి చాలా నల్లగా మారుతుంది. వీటిని మరి ఎలా క్లీన్ చేయాలో తెలుసుకోండి.

నల్లగా మసి కొట్టుకుపోయిన పాత్రలు చూడ్డానికి చాలా ఇబ్బందిగా కనిపిస్తాయి. వీటిని ఎంతగా తోమినా వాటి మసి ఓ పట్టాన వదలదు. అలాంటి వాటిని కొన్ని టిప్స్‌తో ఇట్టే ఎలా తెల్లగా కనిపించేలా చేయొచ్చో తెలుసుకోండి.

ముందుగా కడగడం

ముందుగా మూకుడుని నీటితో కడగాలి. నీటితో క్లీన్ చేయలేకపోతే మైల్డ్‌గా ఉండే డిష్ వాష్ సోప్ రాయండి. ఆ తర్వాత స్క్రబ్ చేయండి. దీంతో పైపైన కొంతవరకూ క్లీన్ అవుతుంది. సోప్ బదులు, మీరు డిష‌వాష్ పౌడర్ వేసినా చక్కగా మసి మొత్తం పోతుంది.

బేకింగ్ సోడా

బేకింగ్ సోడాతో కూడా మాడిన పాత్రల్ని ఈజీగా క్లీన్ చేయొచ్చు. దీనికోసం ముందుగా మూడొంతుల బేకింగ్ సోడాలో ఓ వంతు నీరు పోసి పేస్టులా చేయండి. ఈ పేస్టుని మూకుడు మొత్తానికి అప్లై చేయండి. దీనిని కొన్ని గంటల పాటు, లేదా రాత్రంతా అలానే ఉంచండి. తర్వాత కొద్దిగా స్క్రబ్ చేయండి. దీంతో మరకలు ఈజీగా పోతాయి.

నిమ్మతో

ముందుగా నిమ్మకాయని సగానికి కట్ చేయండి. తర్వాత ఓ ముక్కని బేకింగ్ సోడాలో అద్దండి. తర్వాత దీంతో మూకుడుని క్లీన్ చేయండి.

​నిమ్మలోని అసిడిక్, బేకింగ్ సోడాలోని ఆల్కలైన్ గుణాలు రెండు కూడా మసిని, దుమ్ముని చాలా వరకూ క్లీన్ చేస్తాయి. మసి ఉన్న చోట ఈ పేస్ట్‌ని అప్లై చేసి చక్కగా క్లీన్ చేయండి.

బేకింగ్ సోడా, వెనిగర్

ముందుగా మూకుడులో నీరు, కొద్దిగా వెనిగర్ వేసి కొన్ని నిమిషాల పాటు సిమ్‌లో పెట్టి ఉడికించండి. అందులోనే కప్పు బేకింగ్ సోడా వేయండి. ఇది కాస్తా గట్టిగా మారాక స్క్రబ్‌తో తోమండి. తర్వాత నీట్‌గా క్లీన్ చేయండి.

పటికతో

కావాల్సిన పదార్థాలు

పటికఉప్పు డిష్ వాష్

ముందుగా పాన్‌ని కాస్తా వేడి చేయండి. తర్వాతో పాన్‌ని పటిక వేసి రుద్దండి. మసి కొద్దికొద్దిగా వస్తుంటుంది. ఆ తర్వాత కొద్దికొద్దిగా నీరు వేసి రుద్దండి. కాసేపటి వరకూ అలానే ఉంచండి. తర్వాత ఓ చెంచా ఉప్పు వేసి రుది 5 నిమిషాల పాటు అలానే ఉంచండి.

కాసేపటి తర్వాత నీటితో క్లీన్ చేసి తర్వాత డిష్ వాష్ వేసి కొద్దిగా రుద్ది క్లీన్ చేయాలి. ఇలా చేస్తే కొద్ది టైమ్‌కే నల్లని పాన్ తెల్లగా మెరుస్తుంది.