బ్లాక్ కాఫీలో నిమ్మరసం కలిపి తాగితే బాడీలో జరిగే చేంజెస్ అన్నీ ఇన్నీ కావు, అవేంటంటే

బ్లాక్ కాఫీలో నిమ్మరసం కలిపి తాగితే బరువు తగ్గుతారని చాలా మంది చెబుతారు. కొన్ని అధ్యయనాలు కాఫీ బరువు తగ్గడానికి హెల్ప్ చేస్తాయని బెబుతున్నాయి. అయితే, కాఫీలో నిమ్మరసం కలిపి తాగితే మరింత ఎఫెక్టివ్‌గా పనిచేస్తుందని చెబుతుంటారు. దీనికి ఎలాంటి పరిశోధనలు లేవు. అయితే, బరువు తగ్గడానికి ట్రై చేస్తున్నవారు దానికోసం ముందుగా డైటీషియన్ సలహా తీసుకోవాలి.

కాఫీలో నిమ్మరసం కలపడం వల్ల ఎన్నో లాభాలు ఉంటాయి. ఇందుకు కారణం కాఫీలోని యాంటీ ఆక్సిడెంట్స్. ఇవి ఫ్రీ రాడికల్స్ నుంచి వచ్చే హానికరమైన ప్రభావాల నుండి శరీరాన్ని కాపాడతాయి.

కాల్చిన కాఫీ గింజల్లో వెయ్యి కంటే ఎక్కువగా బయోయాక్టివ్ సమ్మేళనాలు ఉంటాయి. ఇవి ఆరోగ్యానికి చాలా మంచిది. కాఫీ తీసుకోవడం వల్ల టైప్ 2 డయాబెటిస్, గుండె సమస్యలు, లివర్ సమస్యలు, అల్జీమర్స్, పార్కిన్సన్స్ వంటి సమస్యలు తగ్గుతాయి. అలానే నిమ్మరసంలోనూ ఎన్నో గొప్ప గుణాలు ఉన్నాయి. ఇందులో విటమిన్ సి, ఫ్లేవనాయిడ్స్ ఉంటాయి. ఈ రెండూ కూడా పవర్‌ఫుల్ యాంటీ ఆక్సిడెంట్స్‌గా పనిచేస్తాయి. విటమిన్ సి, సిట్రస్ ఫ్లేవనాయిడ్స్ కొన్ని క్యాన్సర్ల ప్రమాదాన్ని తగ్గిస్తాయి. ఈ రెండింటి కలయికతో ఏయే సమస్యలు దూరమవుతాయో తెలుసుకోండి.

కొలెస్ట్రాల్ కరిగేందుకు

బ్లాక్ కాఫీలో నిమ్మరసం కలిపి తీసుకుంటే అవాంఛిత కొవ్వుని కరిగిస్తుంది. దీని వల్ల ఫ్యాట్ బర్న్ అవుతుంది. అధ్యయనాలు కాఫీ తాగితే బరువు తగ్గుతారని సూచిస్తున్నాయి. అందుకే, బ్లాక్ కాఫీలో నిమ్మరసం కలిపి తాగితే చాలా మంచిది. దీంతో కొలెస్ట్రాల్ తగ్గుతుందని నిపుణులు చెబుతున్నారు. ఈ కారణంగా బరువు కూడా తగ్గుతారు.

కొవ్వు కరిగించే కాఫీ

తలనొప్పి తగ్గేందుకు

కొన్నిసార్లు తలనొప్పి, మైగ్రేన్ వంటి సమస్యలతో బాధపడతారు. అలాంటి వారు ఈ బ్లాక్ కాఫీని తాగడం వల్ల సమస్య తగ్గుతుంది. తలనొప్పిగా ఉన్నప్పుడు కొద్దిగా బ్లాక్ కాఫీ తాగితే వెంటనే సమస్య కంట్రోల్ అవుతుంది. కాఫీలో నిమ్మరసరం కలిపి తాగడం వల్ల తలలో ఇబ్బంది ఉండదు. దీంతో నొప్పి తగ్గుతుంది. అయితే, కెఫిన్ తలనొప్పి, మైగ్రేన్ సమస్యల్ని కొన్నిసార్లు పెంచుతుందని మరికొన్ని అధ్యయనాలు చెబుతున్నాయి. చాక్లెట్, ఆల్కహాల్, నిమ్మకాయలు వంటి సిట్రస్ ఫ్రూట్స్, ఇతర డ్రింక్స్ తీసుకోవడం వల్ల కొన్నిసార్లు రిలీఫ్ ఉంటుంది. నిమ్మరసం కలిపిన కాఫీ తాగడం వల్ల తలనొప్పి తగ్గుతుంది. కొన్నిసార్లు సమస్య పెరుగుతుంది. కాబట్టి, జాగ్రత్త అవసరం.

విరోచనాలు తగ్గడం

కాఫీలో నిమ్మరసం కలిపి తాగడం వల్ల కొన్నిసార్లు విరోచనాలు కూడా కంట్రోల్ అవుతాయి. అయితే, దీనిని తీసుకోవడం వల్ల డీహైడ్రేషన్ బారిన పడతారు కొంతమంది. దీనికి కారణం కాఫీ తాగడం వల్ల ఎక్కువగా మూత్ర విసర్జన జరుగుతుంది. దీంతో డీహైడ్రేషన్ సమస్య పెరుగుతుంది.

చర్మ సంరక్షణ

కాఫీ, నిమ్మలోని యాంటీ ఆక్సిడెంట్ గుణాలు చర్మానికి మేలు చేస్తాయి. కాఫీలో CGA కంటెంట్ ఎక్కువగా ఉంటుంది. ఇది చర్మంలో రక్త ప్రసరణ, హైడ్రేషన్‌ని మెరుగ్గా చేస్తుంది. దీంతో చర్మం పగలదు. మృదువుగా మారుతుంది. ఇక నిమ్మలోని విటమిన్ సి కంటెంట్ కొల్లాజెన్ ఉత్పత్తిని ప్రేరేపిస్తుంది. ఇది మీ చర్మాన్ని యవ్వనంగా చేస్తుంది. సూర్యరశ్మి నుండి ఫ్రీరాడికల్స్ వల్ల వచ్చే చర్మ సమస్యల్ని తగ్గిస్తుంది. అయితే, కాఫీ, నిమ్మకాయల్ని విడిగా తీసుకుంటే ఈ బెనిఫిట్స్‌ని పొందొచ్చు. ఈ రెండింటిని కలిపితే అలాంటి బెనిఫిట్స్ ఉంటాయని ఎలాంటి ఆధారాలు లేవు.

సైడ్ ఎఫెక్ట్స్

నిమ్మరసం కలిపిన బ్లాక్ కాఫీ తాగడం వల్ల కొన్ని సైడ్ ఎఫెక్ట్స్ కూడా ఉంటాయి. అవేంటంటే.. ఎక్కువగా కాఫీ తాగేవారు కెఫిన్‌కి అడిక్ట్ అవుతారు. అధ్యయనాల ప్రకారం ఎక్కువగా కెఫిన్ తీసుకోవడం వల్ల నిద్ర సమస్యలు, నిద్రలేమి, గర్భంతో ఉన్నవారికి గర్భ సమస్యలు, గుండెల్లో మంట వంటి సమస్యలొస్తాయి. నిమ్మ కొంతగా మంచిదే అయినప్పటికీ నిమ్మరసం కొంతమందికి అలర్జీకి కారణమవుతుంది. దీనికి కారణం ఇందులోని సిట్రిక్ యాసిడ్. కాబట్టి, జాగ్రత్తగా వాడాలి.