లవంగాల నీరు, ఎలా వాడితే జుట్టు ఒత్తుగా పెరుగుతుంది

​లవంగాలని చైనాలో ఆయుర్వేదిక్ మెడిసిన్‌లా వాడతారు. లవంగాల్లో ఎక్కువగా యాంటీ ఆక్సిడెంట్స్ ఉంటాయి. దీంతోపాటు యాంటీమైక్రోబయల్, యాంటీ ఫంగల్ గుణాలు ఉంటాయి. ఇవి. మన ఆరోగ్యానికి ఎంత మంచివో.. స్కాల్ప్ హెల్త్ కూడా మెరుగ్గా ఉంటుంది. దీంతో పాటు ఇన్‌ఫ్లమేషన్ తగ్గి హెయిర్ ఫాలికల్స్‌ని మెరుగ్గా చేస్తాయి. కేవలం ఇన్‌ఫ్లమేషన్‌ని తగ్గించడమే కాదు.. జుట్టుని ఆరోగ్యంగా కూడా పెంచుతాయి. వీటిని వాడడం వల్ల జుట్టు రాలడం, డాండ్రఫ్, స్కాల్ఫ్ సోరియాసిస్ వంటి సమస్యలు తగ్గుతాయి. వీటితోపాటు చిన్నతనంలోనే జుట్టు తెల్లబడడం, పల్చబడడం వంటి సమస్యల్ని దూరం చేస్తాయి. లవంగాలని వాడడం వల్ల ఆక్సిడేటివ్ స్ట్రెస్ తగ్గుతుంది. దీని వల్ల బ్లడ్ సర్క్యూలేషన్ పెరుగుతుంది. హెయిర్ ఫోలికల్స్ ఆరోగ్యంగా మారి జుట్టు పెరుగుతుంది. దీనికోసం లవంగాలని ఎలా వాడాలో తెలుసుకోండి.

ముందు 2 కప్పుల నీరు తీసుకుని అందులో 2 టేబుల్ స్పూన్ల లవంగాలని వేయండి. వీటిని బాగా మరిగించండి. 5 నుంచి 6 నిమిషాల పాటు అలానే బాయిల్ చేయండి. ఈ నీటిని 3, 4 గంటల పాటు అలానే ఉంచండి. తర్వాత నీటిని ఎయిర్ టైట్ కంటెయినర్‌లో వేసి స్టోర్ చేయండి.

ఎలా వాడాలి

ఇలా తయారుచేసిన లవంగాల నీటిని మనం షాంపూ చేసేటప్పుడు వాడొచ్చు. షాంపూలో కానీ, కండీషనర్‌లో కానీ, ఈ నీటిని వేసి షాంపూ చేయలి. ముఖ్యంగా, స్కాల్ప్, కుదుళ్ళు, జుట్టుకి లవంగాల నీటిని రాయండి. 10 నిమిషాల పాటు మసాజ్ చేయాలి. తర్వాత నీటితో క్లీన్ చేయండి.

అలోవెరా జెల్‌తో

లవంగాల నీటిని మనం అలోవెరా జెల్‌తో కలిపి కూడా వాడొచ్చు. దీని వల్ల కూడా స్కాల్ప్‌కి కండీషన్ అందుతుంది. హైడ్రేట్‌గా ఉంటుంది. జుట్టు సమస్యలు దూరమవుతాయి. రెగ్యులర్‌గా రాస్తే రెండింటిలోని గుణాలు జుట్టుని ఆరోగ్యంగా చేస్తాయి.

ఎన్ని రోజులకి ఓ సారి

ఇలా లవంగాల నీటిని మనం వారానికి రెండు సార్లు రాయడం వల్ల చాలా మంచి రిజల్ట్ ఉంటుంది. జుట్టు సమస్యలు దూరమవుతాయి. కాబట్టి, రెగ్యులర్‌గా రాయండి. ఏదైనా సమస్య ఉంటే వెంటనే మానేయండి.

వచ్చే సమస్యలు

అయితే, ఇది మంచిదే అయినప్పటికీ అందరికీ పడకపోవచ్చు. కాబట్టి, స్కాల్ప్‌కి వాడే ముందు ప్యాచ్ టెస్ట్ చేయడం మంచిది. రెడ్‌నెస్, దురద, ఇతర సమస్య ఉంటే దీనిని వాడకపోవడం మంచిది. ఇది కంటి చుట్టూ పడకపోవడం మంచిది. దీని వల్ల ఇరిటేషన్, అలర్జీ వంటి సమస్యలొస్తాయి. ఇది రాసినప్పుడు ఏదైనా సమస్యలు వస్తే వెంటనే డెర్మటాలజిస్ట్‌ని కలవాలి. అతడ్ని కలిసి మీకున్న సమస్యలు చెబితే మంచిది. దీనిని వాడడం వల్ల చాలా మందికి జుట్టు రాలడం తగ్గి ఒత్తుగా పెరుగుతుంది.