ఎండాకాలంలో ఏసీలు, కూలర్స్ వాడకుండానే రూమ్‌ని చల్లగా

ఎండాకాలం రాగానే చాలా మంది కూడా మూలన పెట్టిన కూలర్స్, కప్పి ఉంచిన ఏసీలను తీసి సరిచేస్తుంటారు. ఉక్కపోతని తట్టుకోలేక వాటిని వాడుతుంటారు. అయితే, అందరికీ ఇవి అందుబాటులో ఉండవు. ఉన్నప్పటికీ కొంతమందికి కరెంట్ బిల్లుతో భయం. దాంతో అటు వాటిని వాడలేక, ఇటు ఉక్కపోతతో ఉండలేక సతమతమవుతారు. అలాంటి వారు కొన్ని చిట్కాలు ఫాలో అయితే, ఏసీలు, కూలర్స్ లేకపోయినా ఇంటిని చల్లగా ఉంచుకోవచ్చు. మరి అలాంటి చిట్కాలేంటో తెలుసుకోండి.

నేచురల్ వెంటిలేషన్

ఎంతగా మనం ఏసీలు, కూలర్స్ వాడినప్పటికీ నేచర్ నుంచి గాలి చాలా రిలీఫ్‌ని ఇస్తుంది. కాబట్టి, నైట్ టైమ్, ఉదయాన్నే ఆ చల్లని గాలులు ఇంట్లోకి వచ్చేలా ట్రై చేయండి. దీనికోసం కిటికీలు, డోర్స్ ఆ టైమ్‌లోనే ఓపెన్ చేస్తుండండి. అదే విధంగా, ఇంట్లో చెట్లు పెంచడం అలవాటు చేసుకోండి. ఇండోర్ ప్లాంట్స్ ఉంచడం వల్ల రూమ్ చాలా వరకూ కూల్ అవుతుంది. అంతేకాకుండా చుట్టూ ఉన్న గాలిని కూడా ప్యూరిఫై చేస్తాయి. ఇంతేనా ఫ్రీగా ఆక్సీజన్ కూడా దొరుకుతుంది. ఇన్ని లాభాలున్నాయి కాబట్టే చెట్లని పెంచడం అలవాటు చేసుకోండి.

కర్టెన్స్ వాడడం

అదే విధంగా, ఇంట్లోకి ఎక్కువగా వేడిగాలులు వస్తుంటాయి ఈ టైమ్‌లో. వీటి నుంచి మనల్ని మనం కాపాడుకోవాలంటేంటే ఎక్కువగా కర్టెన్స్ వాడండి. దీంతో ఎండ, వేడిగాలులు అంతగా ఇబ్బంది పెట్టవు, ఇన్‌స్యూలేటెడ్ గ్లాస్ కిటికీలు కూడా రూమ్ టెంపరేచర్ పెరగకుండా చూస్తాయి. దీని వల్ల ఏసీ, కూలర్ లేకపోయినా రూమ్ చల్లగా ఉంటుంది. ఇంట్లోకి ఎండ, గాలులు వచ్చే టైమ్‌ని బట్టి కిటికీలు, కర్టెన్స్‌తో కవర్ చేసుకోండి.

సీలింగ్ ఫ్యాన్స్

ఏసీలు, కూలర్స్ ఉన్నప్పటికీ ఫ్యాన్స్ ఎవర్‌గ్రీన్ అని చెప్పొచ్చు. ఈ ఫ్యాన్స్ చల్లని గాలిని కిందికి పంపిస్తాయి. వీటిని వేయడం వల్ల వేడి గాలులు దూరమై మన బాడీకి చల్లని గాలులు తగులుతాయి. అయితే, ఈ బెనిఫిట్స్ అన్నీ పొందాలంటే సరైన ఫ్యానస్‌ని తీసుకోవాలి. మనకి మార్కెట్లో ఎన్నో రకాల ఫ్యాన్స్ఉంటాయి. ఇందులో ఎనర్జీ ఎఫిషియంట్ ఏది బాగుంటే అది తీసుకోండి. మంచి క్వాలిటీ ఫ్యాన్స్ మంచి మాన్యూఫ్యాక్చరర్స్ దగ్గర తీసుకోవాలి. వీటితో పాటు, ఎగ్జాస్ట్ ఫ్యాన్స్ కూడా వాడడం చాలా ముఖ్యం. మనం ఫ్యాన్స్ వేసినప్పుడు రూములు చల్లగా అవుతాయి. అయితే, బాత్‌రూమ్స్, కిచెన్స్‌ సంగతి ఏంటి? వీటి నుంచి వేడి వస్తుంది కదా. అలా రాకుండా ఉండాలంటే ఎగ్జాస్ట్ ఫ్యాన్స్ వాడండి. వీటిని వాడడం వల్ల కూడా ఇంట్లోని వేడి బయటికెళ్లిపోతుంది.

ఐస్, కూల్ వాటర్ ఉంచడం

ఇదో పాతకాలపు టెక్నిక్. అయినప్పటికీ భలేగా పనిచేస్తుంది. అదేంటంటే, చల్లని గాలి రావాలంటే ఐస్ ముక్కలు లేదా చల్లని నీటిని రూమ్‌లో ఫ్యాన్ గాలికి ఎదురుగా ఉంచండి. దీని వల్ల ఆ గాలి ఈ చలిని కలిసి చల్లని గాలిగా మారుతుంది. దీంతో రూమ్‌లో చల్లని గాలి మొత్తం విస్తరిస్తుంది.

లైట్స్, హాట్ స్టఫ్ లేకుండా చేయడం

వేడిగా మారాక సొల్యూషన్స్ వెతికే బదులు వేడి కాకముందే జాగ్రత్త పడడం మంచిది కదా. దీనికోసం ఇంట్లోని గ్యాడ్జెట్స్, అప్లయెన్స్‌ని ఆఫ్ చేయండి. హెయిర్ డ్రయ్యర్స్, వాటర్ మీటర్స్, డిష్ వాషర్స్, ఎలక్ట్రిక్ ఐరన్స్‌ని తక్కువగా వాడండి. వీటితో పాటు లెడ్ బల్బ్స్ వంటి వాటిని కూడా ఆఫ్ చేయండి. వీటి వల్ల కూడా ఇంట్లో వేడి పెరుగుతుంది.