కాస్ట్లీ క్రీమ్స్ బదులు కొన్ని పదార్థాలు రాస్తే నలుపు తగ్గి తెల్లగా మారతారు

ట్యాన్ అనేది పెద్ద సమస్యే. దీని వల్ల స్కిన్ పాడవుతుంది. స్కిన్‌పై నల్లని మచ్చలు వస్తాయి. యూవి కిరణాల వల్ల సన్ బర్న్ ఇతర సమస్యలతో పాటు కొన్ని సార్లు స్కిన్ క్యాన్సర్ కూడా వస్తుంది. ఎండలో ఎక్కువగా ఉండడం వల్ల సూర్యుడి నుంచి వచ్చే కిరణాలు స్కిన్‌ని డ్యామేజ్ చేస్తాయి. దీంతో స్కిన్ బ్రౌన్, రెడ్ కలర్‌లోకి మారుతుంది. అయితే, సమస్యని తగ్గించేందుకు చాలా మంది ఎక్స్‌పెన్సివ్ ప్రోడక్ట్స్ వాడుతుంటారు. అలా కాకుండా ఇంట్లోనే కొన్ని చిట్కాలు సమస్యని తగ్గించి చర్మం మెరిసేలా చేస్తాయి. అవేంటో తెలుసుకోండి.

టమాట రసం

టమాటల్లో లైకోపీన్ ఉంటుంది. ఇది స్కిన్ పిగ్మంటేషన్‌ని దూరం చేస్తుంది. ఎరుపు, నలుపు మచ్చల్ని తగ్గిస్తుంది. దీనికోసం ఓ టమాట తీసుకుని దానిని మెత్తగా ప్యూరీలా చేయాలి. 20 నిమిషాల పాటు ఉంచి ఆ తర్వాత చల్లని నీటితో క్లీన్ చేయాలి. రెగ్యులర్‌గా చేస్తే ట్యాన్ తగ్గుతుంది.

బంగాళాదుంప రసం

బంగాళాదుంపల్లోని గుణాలు చర్మంపై ఉన్న నలుపుని బ్రైట్‌గా కనిపించేలా చేస్తాయి. దీనికోసం పచ్చి బంగాళాదుంపని జ్యూస్‌లా చేసి అందులో నుంచి జ్యూస్ తీయాలి. దీనిని సన్ ట్యాన్ ప్రదేశంలో రాసి అరగంట పాటు అలానే ఉంచాలి. ఆ తర్వాత చల్లని నీటితో క్లీన్ చేయాలి. వారానికి 2 సార్లు ఇలా చేస్తుంటే త్వరలోనే సమస్య తగ్గుతుంది.

పసుపు, పెరుగు

పెరుగులో లాక్టిక్ యాసిడ్ ఉంటుంది. ఇది స్కిన్‌ని ఎక్స్‌ఫోలియేట్ చేసి బ్రైట్‌గా కనిపించేలా చేస్తుంది. అదే విధంగా, పసుపు ఇరిటేషన్‌ని తగ్గించి స్కిన్‌ని సాఫ్ట్‌గా చేస్తుంది. దీనికోసం అర టీస్పూన్ పసుపులో రెండు టేబుల్ స్పూన్ల పసుపు వేసి బాగా కలపండి. దీనిని ట్యాన్ ఉన్న చోట రాయండి. 20 నిమిషాల పాటు ఉంచి తర్వాత చల్లని నీటితో కడగండి. దీనిని వారంలో 3 సార్లు ఫాలో అవ్వండి. రెగ్యులర్‌గా చేస్తే రిజల్ట్ ఉంటుంది.

దోస

దోసకాయలో కూలింగ్ ప్రాపర్టీస్ ఉన్నాయి. దీనిని వాడడం వల్ల స్కిన్ చల్లగా ఉంటుంది. దీంతో ఎండ వల్ల కమిలిన చర్మం మెరుగ్గా మారుతుంది. దీనికోసం దోసరసం తీసుకుని దానిని కాటన్‌తో కమిలిన చర్మంపై రాయండి. అదే విధంగా గుండ్రంగా కట్ చేసి స్కిన్‌కి రాయండి. అలానే 20 నిమిషాల పాటు ఉంచండి. తర్వాత క్లీన్ చేసుకోండి. ఇలా చేయడం వల్ల ట్యాన్ తగ్గుతుంది. ముడతలు కూడా తగ్గుతాయి.

తేనె, నిమ్మరసం

​తేనెలో మాయిశ్చరైజింగ్ గుణాలు ఉన్నాయి. దీనిని వాడడం వల్ల స్కిన్ డ్రైగా మారకుండా మాయిశ్చర్‌గా ఉంటుంది. అదే విధంగా నిమ్మలోని సిట్రిక్ యాసిడ్ స్కిన్‌ని నేచురల్‌గానే లైటెన్ చేస్తుంది. దీనికోసం కొద్దిగా నిమ్మరసంలో తేనె కలిపాలి. బాగా కలిపిన తర్వాత ఈ మిశ్రమాన్ని ఎండ తగిలే ప్రాంతంలో రాయండి. 20 నిమిషాల తర్వాత క్లీన్ చేసుకోండి. గోరువెచ్చని నీటితో క్లీన్ చేస్తే మంచిది. నాలుగు వారాల పాటు రెగ్యులర్‌గా రాస్తే రిజల్ట్ మీకే తెలుస్తుంది.

అలోవెరా

అలోవెరాలో ట్యాన్‌ని తగ్గించే గుణాలు ఉన్నాయి. అందుకోసమే చాలా మంది స్కిన్ ప్రాబ్లమ్స్‌ని దూరం చేసేందుకు అలోవెరా జెల్‌ని వాడతారు. దీనికోసం అలోవెరా జెల్‌ని ముఖానికి రాయాలి. అదే విధంగా, ఎక్కడైతే స్కిన్ ఎక్స్‌పోజ్ అవుతుందో, ట్యాన్ పేరుకుపోయిందో అక్కడ మొత్తం రాయాలి. నైట్ మొత్తం అలానే ఉంచి తర్వాత ఉదయాన్నే క్లీన్ చేయాలి. వారం రెగ్యులర్‌గా చేస్తే రిజల్ట్ మీకే కనిపిస్తుంది.