సునీల్ గవాస్కర్‌ గొప్ప మనస్సు.. కాంబ్లి బతికున్నంత కాలం సాయం!

టీమిండియా లెజెండ్, లిటిల్ మాస్టర్ సునీల్ గవాస్కర్ మరోసారి తన మంచి మనస్సును చాటి చెప్పాడు. టీమిండియా క్రికెటర్లు ఎవ్వరు ఆపదలో ఉన్న స్పందించే గవాస్కర్ మరోసారి పెద్ద సాయమే చేశాడు. కొంతకాలంగా అనారోగ్యానికి గురవుతున్న వినోద్ కాంబ్లికి ఆర్థిక సాయంతో పాటు, వైద్య ఖర్చుల నిమిత్తం కూడా సునీల్ గావస్కర్ తనవంతు సాయం చేశాడు. గతేడాది డిసెంబర్‌లో ఆస్పత్రిపాలయిన వినోది కాంబ్లి జనవరిలో డిశ్చార్జ్ అయ్యాడు. 1993 నుంచి 2000వ సంవత్సరం మధ్య వినోద్ కాంబ్లి 17 టెస్టులతో పాటు 104 వన్డే మ్యాచ్‌లు కూడా ఆడాడు.

ముంబైలో కోచ్ రమాకాంత్ మెమోరియల్ సందర్భంగా నిర్వహించిన ఓ ఆవిర్భావ వేడుకల్లో సచిన్ టెండూల్కర్‌తో పాటు వినోద్ కాంబ్లి కనిపించాడు. ఆ తర్వాత కొన్ని వారాలకే అనారోగ్యంతో ఆస్పత్రి పాలయ్యాడు. ఆ సమయంలో కూడా సునీల్ గావస్కర్ వినోద్ కాంబ్లికి సాయం చేశాడు.1983 వన్డే వరల్డ్‌కప్ విన్నింగ్ టీమ్ తరఫున అందరూ కలిసి ఇలాంటి సేవా కార్యక్రమాలు చేస్తామని అప్పట్లో ప్రకటించాడు.

ఛాంప్స్ ఫౌండేషన్ నుంచి మరోసారి వినోద్ కాంబ్లికి సునీల్ గావస్కర్ సాయం చేశాడు. 1999లో ప్రారంభించిన ఈ ఫౌండేషన్ ద్వారా వినోద్ కాంబ్లికి ఆర్థిక సాయం అందించనున్నారు. ఏప్రిల్ 1 నుంచి ప్రతి నెలా రూ.30 వేలు ఆర్థిక సాయంతో పాటు, ఏడాదికి మరో రూ.30 వేలు వైద్య ఖర్చుల నిమిత్తం ఇవ్వనున్నారు.

ఈ ఏడాది ఆరంభంలో నిర్వహించిన వాంఖడే స్టేడియం 50వ వార్షికోత్సవం సందర్భంగా గవాస్కర్‌ని కాంబ్లీ కలిశాడు. ఆ సమయంలో వినోద్ కాంబ్లి నడిచేందుకు కూడా చాలా ఇబ్బంది పడ్డాడు. ఆ సమయంలోనూ వినోద్ కాంబ్లీ గవాస్కర్ కాళ్లకు నమస్కారం చేశాడు. 2013లో తన మిత్రుడు వినోద్ కాంబ్లీకి రెండు సార్లు హార్ట్ ఆపరేషన్ కోసం సచిన్ టెండూల్కర్ ఆర్థిక సాయం చేశాడు. తనకు ఆర్థిక సాయం అందించడంతో పాటు సపోర్ట్‌గా నిలిచిన సునీల్ గావస్కర్‌కి వినోద్ కాంబ్లి థాంక్స్ చెప్పాడు. అదేవిధంగా వినోద్ కాంబ్లీ నుంచి విడాకులు కావాలంటూ 2023లో కోరిన ఆయన భార్య కూడా, ఇప్పుడు కాంబ్లీ పరిస్థితి చూసి వెనక్కి తిరిగి వచ్చింది.