హిమోగ్లోబిన్ తక్కువ ఉంటే శరీరంలో కొన్ని లక్షణాలు కనిపిస్తాయి

హిమోగ్లోబిన్ శరీరానికి ఎంతో ముఖ్యం. శరీరంలో తగినంత హిమోగ్లోబిన్ లేనప్పుడు, కణాలకు తగినంత ఆక్సిజన్ అందదు. హిమోగ్లోబిన్ తక్కువ ఉంటే శరీరంలో కొన్ని లక్షణాలు కనిపిస్తాయి.

హిమోగ్లోబిన్ తక్కువ ఉంటే శరీరంలో కొన్ని లక్షణాలు కనిపిస్తాయి, నిర్లక్ష్యం చేస్తే మీకే డేంజర్

మీరు త్వరగా అలసిపోతున్నారా? రాత్రంతా పడుకున్నా, ఎంత విశ్రాంతి తీసుకున్నా ఉదయాన్నే చురుగ్గా అనిపించడం లేదా? అయితే, మీకు రక్తహీనత ఉండే అవకాశం ఉంది. ఈ సమస్య సాధారణంగా పురుషుల కంటే మహిళల్లోనే ఎక్కువగా కనిపిస్తుంది. నిజానికి, రక్తహీనత అంటే శరీరంలో ఇనుము శాతం తక్కువగా ఉండటం వల్ల హిమోగ్లోబిన్ స్థాయిలు తగ్గిపోవడం. దీనిని సాధారణంగా రక్త లోపం అని కూడా అంటారు.

​హిమోగ్లోబిన్ అనేది ఎర్ర రక్త కణాలలో ఉండే ఒక ముఖ్యమైన ప్రోటీన్. దీని ప్రధాన పని ఊపిరితిత్తుల నుండి ఆక్సిజన్‌ను గ్రహించి, దానిని శరీరంలోని ప్రతి భాగానికి, కణానికి రవాణా చేయడం. మన శరీరంలోని కణాలు సరిగ్గా పనిచేయాలంటే ఆక్సిజన్ చాలా అవసరం. శరీరంలో తగినంత హిమోగ్లోబిన్ లేనప్పుడు, కణాలకు తగినంత ఆక్సిజన్ అందదు. దీనివల్ల కణాలు సరిగ్గా పనిచేయలేవు. శరీరంలో హిమోగ్లోబిన్ తక్కువ అయితే కొన్ని సంకేతాలు కనిపిస్తాయి. ఆ సంకేతాల్ని సకాలంలో గుర్తిస్తే ప్రాణాంతక పరిస్థితుల నుంచి తప్పించుకోవచ్చు. శరీరంలో హిమోగ్లోబిన్ తగ్గితే కనిపించే లక్షణాలేంటో ఇప్పుడు తెలుసుకుందాం.

 అలసట, బలహీనత

శరీరంలో హిమోగ్లోబిన్ స్థాయిలు తక్కువగా ఉన్నప్పుడు , కణాలకు తగినంత ఆక్సిజన్ అందదు. ఆక్సిజన్ లేకపోవడం వల్ల కణాలు శక్తిని ఉత్పత్తి చేయలేవు. దీని వల్ల మీరు త్వరగా అలసిపోతారు. సాధారణంగా చేసే పనులు కూడా ఎక్కువ శ్రమతో కూడుకున్నవిగా అనిపిస్తాయి. ఉదాహరణకు, మెట్లు ఎక్కడం, నడవడం వంటివి కూడా అలసటను కలిగిస్తాయి. కొద్దిపాటి శారీరక శ్రమ తర్వాత కూడా శరీరం శక్తిని కోల్పోయినట్లు, బలహీనంగా అనిపించవచ్చు. రోజువారీ పనులు చేయాలన్నా నిస్సత్తువగా ఉంటారు. ఈ లక్షణాలు తరచుగా కనిపిస్తే వెంటనే డాక్టర్‌ని సంప్రదించి తగిన పరీక్షలు చేయించుకోండి.

శ్వాస ఆడకపోవడం

ఆక్సిజన్ సరిగ్గా అందకపోవడం వల్ల శ్వాస తీసుకోవడం ఇబ్బందులు వస్తాయి. శ్వాస ఆడకపోవడం జరుగుతుంది. ముఖ్యంగా మెట్లు ఎక్కేటప్పుడు లేదా కొంచెం శారీరక పని చేసేటప్పుడు కూడా. శరీరానికి ఆక్సిజన్ సరఫరా చేయడానికి ఊపిరితిత్తులు ఎక్కువ కష్టపడాల్సి ఉంటుంది. దీంతో, ఈ లక్షణం కనిపిస్తుంది.

చర్మం పసుపు రంగులోకి మారడం

హిమోగ్లోబిన్ లేకపోవడం వల్ల, చర్మం, గోళ్లు, కళ్ళ లోపలి భాగం పసుపు రంగులోకి మారడం ప్రారంభిస్తాయి. నిజానికి, హిమోగ్లోబిన్ రక్తానికి ఎరుపు రంగును ఇస్తుంది. కానీ దాని లోపం వల్ల, చర్మం, గోళ్లు పసుపు రంగులోకి మారడం ప్రారంభిస్తాయి. మీకు ఇలాంటి లక్షణాలు కనిపిస్తే నిర్లక్ష్యం చేయకండి. డాక్టర్‌ని సంప్రదించి తగిన పరీక్షలు చేయించుకోండి.

తలతిరగడం లేదా తలనొప్పి

మెదడుకు తగినంత ఆక్సిజన్ అందకపోవడం వల్ల తలతిరగడం, తలనొప్పి లేదా మూర్ఛపోవడం వంటి సమస్యలు వస్తాయి. తరచుగా తలనొప్పి వస్తే లేదా తల తిరుగుతున్నట్లు అనిపిస్తే, అది తక్కువ హిమోగ్లోబిన్‌కు సంకేతం కావచ్చు.

హృదయ స్పందన పెరుగుదల

ఎటువంటి శారీరక శ్రమ లేకుండానే మీ గుండె వేగంగా కొట్టుకుంటున్నట్లు గమనించారా? దీనికి కారణం రక్తహీనత అయి ఉండవచ్చు. కణాలకు తక్కువ ఆక్సిజన్ అందుతున్నప్పుడు, ఆక్సిజన్‌ను వీలైనంత త్వరగా చేరవేయడానికి గుండె మరింత కష్టపడి, వేగంగా పంప్ చేయడం ప్రారంభిస్తుంది. దీనివల్ల హృదయ స్పందన రేటు పెరుగుతుంది. అదే సమయంలో, ఊపిరితిత్తులు కూడా మరింత ఆక్సిజన్‌ను గ్రహించడానికి వేగంగా పనిచేయాల్సి వస్తుంది. దీని ఫలితంగా మీకు గుండె దడ , శ్వాస ఆడకపోవడం వంటి లక్షణాలు కనిపించవచ్చు.

చేతులు, కాళ్లు చల్లబడటం

శరీరంలో రక్త ప్రసరణ సరిగా లేకపోవడం వల్ల.. చేతులు, కాళ్ళు చల్లగా మారతాయి. చేతులు, కాళ్లలో మీరు జలదరింపు అనుభూతిని అనుభవించవచ్చు. మీ చేతులు, కాళ్ళు ఎల్లప్పుడూ చల్లగా ఉంటే, ఇది తక్కువ హిమోగ్లోబిన్ సమస్యకు సంకేతం కావచ్చు.

జుట్టు రాలడం, గోర్లు బలహీనపడటం

జుట్టు రాలడం, గోర్లు పెళుసుగా లేదా సన్నబడటం అనేవి శరీరంలో ఐరన్ లోపం వల్ల కలిగే అత్యంత సాధారణ సమస్యలు. అందువల్ల, మీ జుట్టు సాధారణం కంటే ఎక్కువగా రాలిపోతుంటే , ఇది తక్కువ హిమోగ్లోబిన్ లక్షణం కూడా కావచ్చు. గోర్లు మాటిమాటికీ విరిగిపోతున్నా మీరు అలర్ట్ అవ్వండి. వైద్యుణ్ని సంప్రదించి తగిన పరీక్షలు చేయించుకోండి.