పెరుగు పుల్లగా అయిందని, మిగిలిపోయిందని పారబోస్తున్నారా,,ఇలా చేయండి చాలు

ఏంటి పుల్లని పెరుగుతో వంటలా ఎలా ఉంటాయని ముఖాన్ని చిట్లించొద్దు. వీటిని సరిగ్గా వండాలి కానీ, ఎంతగానో టేస్టీగా ఉంటాయి. అయితే, దీనికోసం మరీ ఎక్కువరోజులు పులిసిన పెరుగు కాకుండా ఒకట్రెండు రోజుల పెరుగు అయితే చాలు. అంతకు మించినది అయితే ఆరోగ్యంపై నెగెటీవ్ ఎఫెక్ట్ పడుతుంది. కాబట్టి, పులిసిన పెరుగుతో ఏం చేస్తే బాగుంటుంది. దాని పులుపు బ్యాలెన్స్ చేయడానికి ఎలాటి జాగ్రత్తలు తీసుకోవాలి. పారబోయకుండా పెరుగుని వాడడానికి కొన్ని చిట్కాలు తెలుసుకోండి. దీంతో మీరు కొత్తగా వంటలు ట్రై చేసినట్టు ఉంటుంది. ఇంట్లోని పెరుగు వేస్ట్ కాకుండా ఉంటుంది. మరింకెందుకు ఆలస్యం ఆ వంటలేంటో తెలుసుకోండి.

కోఫ్తా కర్రీ

కోఫ్తా అంటే కొన్ని రకాల మసాలా మిశ్రమంతో బాల్స్‌లా చేస్తారు. చూడ్డానికి అచ్చం మంచూరియాలా ఉంటాయి, వాటిని కర్రీ గ్రేవీలో వేస్తారు. ఆ గ్రేవి కోసం పెరుగుని వాడొచ్చు. వీటిని మనం వెజ్, నాన్‌వెజ్ రెండింటితో చేస్తారు. అయితే, వెజిటేబుల్స్‌తో టమాట, ఉల్లిపాయ, పనీర్, బంగాళాదుంపలతో కోఫ్తాలు రెడీ చేసి పెరుగుతో గ్రేవీని తయారుచేసి అందులో వేసి తినండి అద్భుతంగా ఉంటుంది.

దహీ వడ

నార్మల్‌గా దహీ వడని పెరుగుతో చేస్తారు. ఐడియా ఉంది కదా, ఆ గ్రేవికోసం ఈ పెరుగుని వాడండి. ఇందులోని పులుపు వడలకి పట్టి ముక్కముక్కలోనూ అద్భుతంగా నోరూరేలా ఉంటుంది. ట్రై చేయని వారు ఓ సారి ట్రై చేసి చూడండి. మీరే మరోసారి పెరుగుని పులిసేలా చేసి మరీ ఈ రెసిపీని రెడీ చేసుకుంటారు.

ఇడ్లీ

ఇడ్లీ పిండి కలుపుకునేటప్పుడు మీరు నీరు బదులు కాస్తా ఈ పెరుని మజ్జిగలా చేసి దాంతో పిండిని కలపండి ఇడ్లీలు చక్కగా పొంగుతాయి. టేస్ట్ కూడా బాగుంటుంది. పైగా వర్షాకాలంలో పిండిపులవట్లేదనుకునేవారికి ఇదో బెస్ట్ ఐడియా. ఇడ్లీలు దూదుల్లా వస్తాయి. కాబట్టి, ఓసారి ట్రై చేయండి.

పెరుగన్నం

అదేంటి పెరుగన్నం తినలేకే కదా పెరుగు మిగిలిపోయింది అనుకుంటున్నారా. అది కాదండి. పెరుగన్నం కలిపి దానికి కాస్తా ఎండుమిర్చి, పచ్చిమిర్చితో పోపు రెడీ చేసి తగిలించారనుకోండి. పులుపు తెలియదు. రుచి అద్భుతంగా ఉంటుంది. హ్యాపీగా తినేయొచ్చు.

మజ్జిగ

తాజా పెరుగుతో చేసిన మజ్జిగ కంటే కాస్తా పులుపుగా మారిన పెరుగుతో మజ్జిగ చేసి చూడండి. ఎంతో టేస్టీగా ఉంటుంది. దీనిలో కాస్తా జీలకర్ర పొడి, పుదీనా, ఉల్లిపాయలు వంటివి వేసి తాగితే అద్భుతంగా ఉంటుంది. దీని వల్ల జలుబు రావడం వంటి సమస్యలు కూడా ఉండవు. కాబట్టి, చలికాలమైనా, వర్షాకాలమైనా ఏ కాలమైనా తాగొచ్చు.

జ్యూస్‌లు

పండ్లరసాలు, స్మూతీస్ వంటివి తయారుచేసినప్పుడు ఎలాగూ కాస్తా వాటర్ వేస్తుంటారు. అలా కాకుండా పెరుగు, కొద్దిగా తేనె వేసి మిక్సీ చేయండి. మీకు పులుపు తెలియదు. పైగా హెల్దీ కూడా. మీరు రుచిని బ్యాలెన్స్ చేయడానికి తేనెని కలుపుతున్నారు. పైగా హెల్దీ కూడా. కాబట్టి, చక్కగా జ్యూస్‌లా చేసుకుని తాగొచ్చు.

ఢోక్లా

ఢోక్లా అంటే మనం పెసరపిండితో తయారు చేస్తాం. వీటిని తయారుచేసేటప్పుడు పుల్లని పెరుగు వాడండి. మీరు నమ్మరు కానీ, రుచి అద్భుతంగా ఉంటుంది. కాస్తా పుల్లపుల్లగా తియ్యతియ్యగా చాలా బాగుంటుంది.

మరికొన్ని వంటల్లో

ఈ పెరుగుని మాంసం వండేటప్పుడు మ్యారినేట్ చేయడానికి వాడొచ్చు.

మజ్జిగ చారు చేయొచ్చు.

రైతా చేయొచ్చు.

డిప్స్, బేకింగ్ వంటివాటికి కూడా వాడొచ్చు. ఇందులో కలిపి పంచదార, తేనెతో ఈ పులుపు బ్యాలెన్స్ అయి రుచి పెరుగుతుంది.

ఇన్ని విధాలుగా వాడే పెరుగుని ఇకపై పారేయొద్దు.