పవన్ ని నమ్మి దానయ్య దండగ పడ్డాడు
Andhra Pradesh Telugu | Suryaa Desk | Published : Fri, Sep 26, 2025, 05:18 PM
పవర్ స్టార్ పవన్ కల్యాణ్ నటించిన 'ఓజీ' చిత్రం చుట్టూ ఇప్పుడు రాజకీయ రచ్చ మొదలైంది. ఈ సినిమాపై వైసీపీ సీనియర్ నేత, మాజీ మంత్రి అంబటి రాంబాబు సినిమా విడుదలకు ముందు, రాజకీయ ప్రత్యర్థి అయినప్పటికీ పవన్ కల్యాణ్ సినిమా విజయం సాధించాలని ఆకాంక్షిస్తూ అంబటి ఒక వీడియో సందేశం విడుదల చేశారు. "పవన్ ఈసారి కసితో పనిచేశాడు. దర్శకుడు సుజీత్, నిర్మాత దానయ్య పట్టుదల గొప్పది. వారి కష్టం ఫలించాలి. ఓజీ కచ్చితంగా బ్లాక్బస్టర్ అవుతుంది" అని ఆయన పేర్కొన్నారు. ఈ వ్యాఖ్యలతో జనసైనికులు సైతం ఆశ్చర్యపోతూనే ఆయన్ను అభినందించారు. అయితే, సినిమా విడుదలైన కొన్ని గంటలకే అంబటి రాంబాబు తన మాట మార్చారు. బుధవారం రాత్రి చేసిన మరో ట్వీట్లో సినిమా ఫలితంపై పెదవి విరిచారు. "ప్రత్యర్థి అయినా పవన్ సినిమా ఆడాలని నా ఆరాటమే కానీ ఫలితం మాత్రం శూన్యం. దానయ్యా... దండగ పడ్డావయ్యా!" అంటూ ఆయన చేసిన వ్యాఖ్యలు వివాదాస్పదంగా మారాయి.
|
|