పాక్‌లో అధికారికంగా ఆఫ్ఘన్ వ్యతిరేక సెగలు: పార్లమెంట్‌లో ప్రకంపనలు

అక్టోబర్ 9 రాత్రి, ఆఫ్ఘన్ రాజధాని కాబూల్‌ భారీ పేలుళ్లతో దద్దరిల్లింది. ఈ ఘటనతో పాకిస్తాన్ – ఆఫ్ఘనిస్తాన్ సంబంధాలు మరింత ఉద్రిక్తతను చేరాయి. పలు నివేదికల ప్రకారం, ఈ పేలుళ్లకు పాక్ వైమానిక దళం (PAF) జరిపిన దాడులే కారణమని అనుమానాలు వ్యక్తమవుతున్నాయి.“ఆఫ్ఘన్ – పాకిస్తాన్‌కు నెంబర్ వన్ శత్రువు”: రక్షణ మంత్రికి సంచలన వ్యాఖ్యలుఈ ఘటనల నేపథ్యంలో, పాక్ రక్షణ మంత్రి ఖవాజా ముహమ్మద్ ఆసిఫ్ జాతీయ అసెంబ్లీలో ఆఫ్ఘన్‌పై తీవ్ర వ్యాఖ్యలు చేశారు. “ఆఫ్ఘనిస్తాన్ పాకిస్తాన్‌కు నంబర్ వన్ శత్రువు”గా ఆయన పేర్కొనడం సంచలనంగా మారింది."దశాబ్దాలుగా మేము ఆఫ్ఘన్లకు ఆశ్రయం ఇచ్చాం, వ్యాపారానికి అవకాశం కల్పించాం. కానీ ప్రతిఫలంగా వాళ్లు మాకు ద్రోహం చేశారు," అని మంత్రి అన్నారు. పాకిస్తాన్‌లో ఉన్న చాలామంది ఆఫ్ఘన్ తాలిబన్ కుటుంబాలు తెహ్రిక్-ఎ-తాలిబన్ పాకిస్థాన్ (TTP) వంటి ఉగ్ర సంస్థలకు మద్దతు ఇస్తున్నాయని ఆరోపించారు.“వారు ఇక్కడ విలాసవంతమైన జీవితం గడుపుతూ కూడా, పాకిస్తాన్‌కు వాయిస్ లేవనెత్తడం లేదు. 'పాకిస్తాన్ జిందాబాద్' అనకుండా 'ఆఫ్ఘనిస్తాన్ జిందాబాద్' అని నినాదాలు చేస్తున్నారంటే, అది ఎంత దురదృష్టకరం!” అని విమర్శించారు.ఉగ్రవాదంపై ఆఫ్ఘన్ మౌనం – ఆగ్రహంలో పాక్ఆఫ్ఘన్ తాలిబన్ 2021లో అధికారంలోకి వచ్చిన తర్వాత, పాకిస్తాన్‌లో ఉగ్రదాడులు పెరిగాయని పాక్ ఆరోపిస్తోంది. “మా నగరాల్లో రక్తపాతం జరుగుతోంది. ఇది మేమే ఆశ్రయం ఇచ్చిన వారి చేతుల వల్లే” అని ఖవాజా ఆసిఫ్ ఆవేదన వ్యక్తం చేశారు.ఇది కేవలం సరిహద్దు ఘర్షణ మాత్రమే కాదు, ఆఫ్ఘన్ ప్రభుత్వం భారతదేశంతో కొనసాగిస్తున్న సాన్నిహిత్యంపై కూడా పాక్ అసహనం వ్యక్తం చేస్తోంది. ముఖ్యంగా, ఆఫ్ఘన్ విదేశాంగ మంత్రి అమీర్ ఖాన్ ముత్తాకి ఇటీవల న్యూఢిల్లీకి చేసిన పర్యటనను పాకిస్తాన్ వ్యూహాత్మక పరాజయంగా చూస్తోంది.ఆఫ్ఘన్లపై పాక్ బహిష్కరణ డ్రైవ్ – జాతీయ భద్రత పేరుతో చర్యలు2023 అక్టోబరులో ప్రారంభమైన “పత్రాలు లేని విదేశీయుల బహిష్కరణ” డ్రైవ్ ప్రస్తుతం తీవ్రరూపం దాల్చింది. పాక్ ప్రభుత్వం ఈ చర్యను “జాతీయ భద్రతా ప్రయోజనాల” కోసం తీసుకున్నామని చెబుతోంది. లక్షల మంది ఆఫ్ఘన్లు పత్రాలు లేకుండా దేశంలో ఉంటూ, కొందరు ఉగ్రవాద కార్యకలాపాలకు పాల్పడుతున్నారని ఆరోపిస్తోంది.రక్షణ మంత్రితోపాటు ఇతర నాయకుల వ్యాఖ్యలు ఇప్పుడు ఈ డ్రైవ్‌కు కొత్త రాజకీయ దిశనిచ్చాయని నిపుణులు విశ్లేషిస్తున్నారు. ద్వైపాక్షిక సంబంధాలు పూర్తిగా చెడిపోయే దశకు చేరుకున్నాయని వారు హెచ్చరిస్తున్నారు.