ఆముదం, రోజ్మెరీ ఆయిల్ రెండింటిలో ఏది బెటరో తెలుసా

ఆముదం, రోజ్మెరీ ఆయిల్ రెండు కూడా ముందుగా సహజమైన ఆయిల్స్. ఈ పవర్‌ఫుల్ ఆయిల్స్ రాయడం వల్ల జుట్టు కుదుళ్ళు బలంగా మారతాయి. అంతేకాకుండా, జుట్టుకి పోషణ అందుతుంది. జుట్టు రాలిపోకుండా ఉండడానికి హెల్ప్ చేస్తుంది. ఇందులో ఒక్కో నూనెలో ఒక్కో పోషకం ఉంటుంది. ఇవి జుట్టుకి సంబంధించిన సమస్యల్ని దూరం చేస్తాయి. జుట్టు చిట్లడం, డ్రై హెయిర్ వంటి సమస్యలుంటే మీరు కొబ్బరినూనె మాత్రమే కాకుండా కొబ్బరినూనెలో కొద్దిగా రోజ్మెరీ, ఆముదం కలిపి రాసి చూడండి. మీకే తేడా తెలుస్తుంది. విడివిడిగా దేనికది ప్రత్యేకమే.. అయితే జుట్టుని కాపాడడంలో ఏది బెటర్ అంటే కొన్ని విషయాలని గమనించాలి.

ఆముదం

ఆముదంలో రిసినోలిక్ యాసిడ్ ఉంటుంది. ఇది యాంటీ మైక్రోబయల్, యాంటీ ఇన్‌ఫ్లమేటరీ గుణాలు, స్కాల్ప్‌ని హెల్దీగా మార్చి బలమైన జుట్టుని అందిస్తాయి. ఆముదం జుట్టుకి హెల్ప్ చేస్తుంది. ఇందులో జుట్టు పెరుగుదలకి హెల్ప్ చేసే ఫ్యాటీ యాసిడ్స్, విటమిన్ ఈ, ఖనిజాలు ఉంటాయి. జుట్టుకుదుళ్ళలోకి లోతుగా చొచ్చుకుపోతుంది. జుట్టుకి లోపలి నుండి పోషణని అందిస్తుంది. దీనిని రాస్తే జుట్టు పెరుగుతుంది. జుట్టు రాలకుండా ఒత్తుగా పెరుగుతుంది. దీంతో జుట్టు మెరుస్తుంది. రెగ్యులర్‌గా వాడే కొబ్బరినూనెతో కలిపి రాయడం వల్ల హెల్దీ, బలమైన జుట్టు మీ సొంతమవుతుంది.

రోజ్మెరీ ఆయిల్

​రోజ్మెరీ ఆయిల్ రక్తప్రసరణని ప్రేరేపించి, ఇన్‌ఫ్లమేషన్‌ని తగ్గిస్తుంది. దీంతో పాటు జుట్టు రాలడానికి కారణమయ్యే హార్మోన్ DHT ని కంట్రోల్ చేస్తుంది. రోజ్మెరీ ఎసెన్షియల్ ఆయిల్‌ని రోజ్మెరీతో తయారుచేస్తారు. దీనిని శతాబ్ధాలుగా వాడుతుంటారు. దీనిని వాడడం వల్ల జుట్టు పెరుగుదలకి అవసరమైన పోషకాలు పుష్కలంగా అందుతాయి. దీనిలో కాల్షియం, విటమిన్ బి, ఐరన్‌లు ఉంటాయి. ఇది తలపై చర్మాన్ని క్లీన్‌గా మార్చడమే కాకుండా రక్తప్రసరణని పెంచుతుంది. జుట్టు కుదుళ్ళని ఉత్తేజపరిచి జుట్టుని మెరిసేలా చేస్తుంది.

వాటిని కలిపితే

ఆముదం, రోజ్‌మెరీ కలిపి మసాజ్ చేసినప్పుడు సున్నితంగా మసాజ్ చేయండి. కొన్ని గంటల పాటు చేస్తే రక్తప్రసరణ పెరుగుతుంది. జుట్టు పెరుగుదలకి హెల్ప్ అవుతుంది. వారానికి, 2, 3సార్లు చేస్తే మంచి రిజల్ట్ ఉంటుంది. కాబట్టి, ఈ మధ్యకాలంలో ఎక్కువగా రోజ్మెరీ ఆయిల్ పాపులర్ అవుతుంది.

కొబ్బరినూనెలో కలపడానికి ఏది మంచిది

మీరు కొబ్బరినూనెతో రోజ్‌మెరీ, లేదా ఆముదాన్ని కలపాలనుకుంటే మీ అవసరాలను బట్టి వాడండి. జుట్టు పెరగాలనుకుంటే ఆముదాన్ని సెలక్ట్ చేసుకోండి. దీని వల్ల కొత్త జుట్టు పెరుగుతుంది. స్కాల్ప్ మెల్త్ మెరుగవుతుంది. ఉన్న జుట్టు ఆరోగ్యంగా ఉండాలనుకుంటే రోజ్‌మెరీ ఆయిల్‌ని కలపండి.

ఆముదం, రోజ్మెరీ ఆయిల్‌ రెండింటిలో ఏది మంచిది?

బెస్ట్ రిజల్ట్స్ కోసం 

మీరు వారానికి 1 నుంచి 2 సార్లు జుట్టుకి ఆముదాన్ని రాయండి. రెగ్యులర్‌గా రాస్తే జుట్టు జిడ్డుగా మారడమే కాకుండా చర్మ రంధ్రాలు మూసుకుపోతాయి. కాబట్టి, మితంగా వాడండి. నూనెని కొద్దిగా వేడి చేసి 15 నిమిషాల తలపై మసాజ్ చేసి మైల్డ్ షాంపూతో క్లీన్ చేయండి. వారంలో రెగ్యులర్‌గా వాడితే జుట్టు కుదుళ్ళు ఉత్తేజితమవుతాయి. రక్తప్రసరణ మెరుగై, జుట్టు బలంగా మారుతుంది. దీంతో జుట్టు మందంగా కూడా మారుతుంది.