ఫ్రిజ్ నుంచి వచ్చే నీచు కంపును పొగొట్టే చిట్కాలు

ఈ రోజుల్లో ప్రతి ఇంట్లో ఫ్రిజ్ అంటే రిఫ్రిజిరేటర్లు వాడుతున్నారు. ఫ్రిజ్ ఆహార పదార్థాలు చెడిపోకుండా నిరోధిస్తుంది. ముఖ్యంగా వేడి వాతావరణంలో ఇంట్లో వండిన ఆహార పదార్థాలు లేదా మసాలాలు చెడిపోయే ప్రమాదముంది. అలాంటప్పుడు ఫ్రిజ్ బాగా పనికొస్తుంది. ఆహార పదార్థాల్ని చెడిపోకుండా సేవ్ చేస్తుంది.

అయితే, చాలా మంది ఫ్రిజ్‌లో ఆహార పదార్థాలతో పాటు అనేక వస్తువుల్ని ఉంచుతారు. దీంతో ఫ్రిజ్‌లో చల్లని గాలి సరిగ్గా ప్రసరించదు. దీంతో ఫ్రిజ్‌లో ఉంచిన ఆహార పదార్థాలు లేదా వస్తువుల నుంచి దుర్వాసన రావడం ప్రారంభమవుతుంది. అంతేకాకుండా కొన్ని ఫుడ్స్‌ని చాలా రోజుల పాటు నిల్వ చేస్తారు.

కొన్నిసార్లు మర్చిపోవడం వల్ల ఆ స్టోర్ చేసిన ఆహార పదార్థాలు కుళ్లిపోతాయి. వాటి నుంచి కూడా దుర్వాసన వస్తుంది. ఫ్రిజ్ నుంచి వచ్చే వాసన నీచు కంపు కొడుతుంది. ఈ వాసనను వదిలించుకోకపోతే.. మిగతా ఆహార పదార్థాలు కూడా దుర్వాసన వస్తాయి. కొన్ని సింపుల్ చిట్కాలు పాటిస్తే.. ఫ్రిజ్ నుంచి దుర్వాసనను వదిలించుకోవచ్చు. ఆ చిట్కాలేంటో ఇప్పుడు చుద్దాం.

ఈ గిన్నెను రిఫ్రిజిరేటర్‌లో ఉంచి.. దాదాపు అరగంట పాటు మూసి ఉంచండి. ఆ తర్వాత ఫ్రిజ్ తెరిచినప్పుడు, మంచి వాసన వస్తుంది. ఈ చిట్కా రిఫ్రిజిరేటర్‌లోని దుర్వాసనను గ్రహిస్తుంది.

రెండో చిట్కా

ఈ చిట్కా కోసం ఒక గిన్నెలో తెల్లటి టూత్‌పేస్ట్ తీసుకోవాలి. ఆ తర్వాత సుమారు 4 - 5 కర్పూరం బిళ్లలు తీసుకుని వాటిని పొడి చేయండి. టూత్‌పేస్ట్‌లో కర్పూరం పొడిని వేసి బాగా కలపాలి. ఆ తర్వాత కొన్ని చుక్కల నిమ్మరసం వేసి కలపండి.

ఇప్పుడు ఈ మిశ్రమం నుంచి నాలుగు నుంచి ఐదు చిన్న చిన్న ముద్దలు చేసుకోవాలి. ఈ ముద్దలు ఆరిన తర్వాత.. ఫ్రిజ్‌లో వేర్వేరు ప్రదేశాల్లో ఉంచాలి. ఈ ముద్దలు ఫ్రిజ్ నుంచి వచ్చే వాసన మొత్తాన్ని పీల్చుకుంటాయి.

నిమ్మకాయతో వాసన మాయం

మీరు నిమ్మకాయతో రిఫ్రిజిరేటర్‌లోని దుర్వాసనను సులభంగా తొలగించవచ్చు. ఇందుకోసం ముందుగా నిమ్మకాయను ముక్కలుగా కోసి, ఒక ప్లేట్‌లో ఉంచండి. ఆ తర్వాత ప్లేటును రిఫ్రిజిరేటర్ లోపల ఉంచండి.

నిమ్మకాయలో సిట్రస్ వాసన ఉంటుంది. ఇది రిఫ్రిజిరేటర్‌లోని దుర్వాసనలను తొలగించగలదు. మీరు కావాలనుకుంటే నిమ్మరసంతో కొద్దిగా బేకింగ్ సోడాను కూడా కలపవచ్చు. ఇది దుర్వాసనను త్వరగా తొలగిస్తుంది.

పేపర్ హ్యాక్

రిఫ్రిజిరేటర్ దుర్వాసన వస్తే, దాని నుంచి ప్రతిదీ తీసి శుభ్రం చేయాల్సిన పనిలేదు. మీరు చేయాల్సిందల్లా ఒక వార్తాపత్రిక తీసుకోవడం. దాన్ని తెరిచి విస్తరించండి. దానిపై తగినంత నీరు పోయాలి. దీంతో, అది కొద్దిగా తడిగా మారుతుంది.

ఇప్పుడు, దానిని మీ చేతులతో మడిచి బంతిలా చేయండి. ఈ బంతిని రిఫ్రిజిరేటర్ లోపల 7-8 గంటలు ఉంచండి. ఇలా చేయడం వల్ల రిఫ్రిజిరేటర్ నుంచి వచ్చే అన్ని దుర్వాసనల్ని కాగితం గ్రహిస్తుంది. ఆ తర్వాత ఆ కాగితపు బంతిని తీసేయండి.

ఈ విషయాలు ముఖ్యం

* కొంతమంది వండిన ఆహారాన్ని రిఫ్రిజిరేటర్‌లో చాలా రోజులు ఉంచుతారు. ఇవి తరచుగా చెడిపోతాయి. దీంతో, దుర్వాసన వస్తుంది. రిఫ్రిజిరేటర్ నుంచి చెడిపోయిన వస్తువుల్ని వెంటనే తొలగించడం మంచిది.

* ప్రతి 10 రోజులకు ఒకసారి రిఫ్రిజిరేటర్ లోపల, వెలుపల శుభ్రమైన గుడ్డతో తుడవండి. ఇది దాని జీవితకాలం పొడిగిస్తుంది. అంతేకాకుండా సరైన శీతలీకరణను నిర్ధారిస్తుంది. చల్లని గాలి ప్రతి మూలకు చేరుకునేలా ఫ్రిజ్ లోపల వస్తువుల్ని తక్కువ ఉంచండి.