వంటింట్లోని ఒక్క పొడిని నీటిలో కలిపి తాగితే క్షణాల్లో నిద్ర

రోజంతా అలసిన శరీరం మంచం మీద వాలగానే రెస్ట్ తీసుకుంటుంది. కానీ, నేటి కాలంలో బాడీ స్ట్రెయిన్ తగ్గింది. బ్రెయిన్ స్ట్రెయిన్ పెరిగింది. దీంతో ఆలోచనలు పెరిగాయి. ఆరోగ్యం తగ్గింది. నిద్ర దూరమైపోయింది. సమస్య ఎంతలా ఉందంటే నెల రోజులకి ఈ రోజు హాయిగా పడుకున్నానని చెబుతుంటారు చాలా మంది. ఆలోచనలు, ఒత్తిళ్ళు, సోషల్ మీడియా వాడకం ఇలాంటి కారణాలన్నింటి వల్ల కూడా నిద్ర సమస్యలు పెరిగాయి. దీనికి మెడిసిన్ వాడకుండానే నేచురల్‌గానే చెక్ పెట్టాలంటే వంటింట్లోని జాజికాయ హెల్ప్ చేస్తుందని చెబుతున్నారు డాక్టర్ ఆదిత్య రంగనాథ్. దీనిని ఎలా వాడాలో తెలుసుకుందాం.

నిద్రపోకపోతే వచ్చే సమస్యలు

ఒక్కరోజు సరిగ్గా నిద్రపోకపోతేనే మరుసటి రోజు చాలా చిరాగ్గా ఉంటుంది. ఏ పనిపై కాన్సంట్రేషన్ ఉండదు. తలనొప్పిగా ఉంటుంది. కళ్ళ చుట్టూ డార్క్ సర్కిల్స్ పెరుగుతాయి. ఒత్తిడి పెరిగి అది గట్ హెల్త్‌పై పడుతుంది. తిన్న ఆహారం సరిగ్గా జీర్ణమవ్వదు. మలబద్ధకం, గ్యాస్, అసిడిటీ ఇతర సమస్యలు వస్తాయి. బ్రెయిన్ పనితీరు కూడా తగ్గుతుంది. ఇన్ని సమస్యలకి కారణమైన నిద్రలేమిని నేచురల్‌గా దూరం చేసేందుకు జాజికాయని ఎలా వాడాలంటే

జాజికాయని ఎందుకు వాడతారు

​జాజికాయని సాధారణంగా బిర్యానీలు, మసాలాలు, ఎక్కువగా బేకింగ్, స్వీట్స్‌లో వాడతారు. దీని ఫ్లేవర్ చాలా మందికి ఇష్టం ఉంటుంది. ఇది కాస్తా తియ్యగా ఉంటుంది. దీనిని యాడ్ చేయడం వల్ల వంటలకి మంచి ఫ్లేవర్ రావడమే కాకుండా కొన్ని హెల్త్ బెనిఫిట్స్ కూడా ఉన్నాయి. అందులో నిద్రలేమి దూరమవ్వడం ఒకటి.

జాజికాయని ఎలా వాడితే బెనిఫిట్స్

జాజికాయని అరగదీసే రాయిపై అరగదీయాలి. దీనిని అర టీస్పూన్ పరిమాణంలో తీసుకోవాలి. ఒకేసారి మిక్సీ కూడా పట్టొచ్చు. ఇది తీసుకోవడం కష్టమనుకుంటే బయట దొరికే పొడి కూడా వాడొచ్చు. కానీ, మనం తయారుచేసింది వాడితే మంచి రిజల్ట్స్ ఉంటాయి. బయట దొరికే వాటిలో కల్తీ జరిగే అవకాశం ఉంది.

ఎలా తీసుకోవాలి?

జాజికాయ పొడిని అర టీస్పూన్ పరిమాణంలో ఓ చిన్న గ్లాసు గోరువెచ్చని నీటిలో కలిపి తీసుకోండి. రాత్రి భోజనం తర్వాత పడుకోవడానికి ఓ 20 నిమిషాల ముందు ఈ పొడిని నీటిలో కలిపి తీసుకోండి. అర టీస్పూన్ పరిమాణం సరిపోలేదనుకుంటే ఓ టీస్పూన్ పరిమాణంలో తీసుకోండి.

ఎన్నిరోజులు తీసుకోవాలి?

సాధారణంగా 2 రోజులు తీసుకోండి. మీరే తేడా గమనిస్తారు. ఇది ఎలాంటి సైడ్ ఎఫెక్ట్స్ లేని రెమిడీ. దీనిని తీసుకోవడం వల్ల చంటిపిల్లల్లా నిద్రపోతారు. అయితే, ఎంత సైడ్ ఎఫెక్ట్స్ ఉండనప్పటికీ రెగ్యులర్‌గా వాడడం మంచిది కాదు. ఇది సమస్య ఉన్నప్పుడే వాడాలి. రెండు రోజుల తర్వాత మానేసేయండి.

నిద్ర సమస్యల్ని దూరం చేసే జాజికాయపొడి

మంచి నిద్రకి టిప్స్

ఈ టిప్‌తో పాటు పడుకోవడానికి ముందుగా మిమ్మల్ని మీరు సిద్ధం చేసుకోవాలి.

ఒత్తిడిని తగ్గించుకోవాలి.

పడుకునే రూమ్ చల్లగా, కాస్త వెలుతురు తక్కువగా ఉండాలి.

నిద్ర పోవడానికి కనీసం 2 గంటల ముందు తినాలి.

తిన్న వెంటనే పడుకోవద్దు.

పడుకునే ముందు మెడిటేషన్ చేయాలి.

ముఖ్యంగా సోషల్ మీడియా, ఫోన్స్ పక్కనపెట్టండి.

బోర్ కొడుతుందంటే మంచి బుక్స్ చదవండి.

క్రైమ్, న్యూస్ వంటివి చూడొద్దు.

ఆలోచనలు లేకుండా హ్యాపీగా పడుకోండి.

ఓ స్లీప్ టైమింగ్‌ని సెట్ చేసుకుని రోజూ ఒకే టైమ్‌కి పడుకోవడం, ఒకే టైమ్‌కి లేవడం చేయండి. ​