ప్రజా సమస్యలపై ప్రశ్నిస్తున్న సోషల్ మీడియా సైనికులకు నూతన సంవత్సర శుభాకాంక్షలు
Andhra Pradesh Telugu | Suryaa Desk | Published : Wed, Dec 31, 2025, 12:30 PM
వైయస్ఆర్ కాంగ్రెస్ పార్టీని సామాజిక మాధ్యమాల్లో బలోపేతం చేస్తూ నిరంతరం పోరాటం చేస్తున్న సోషల్ మీడియా సైనికులకు ఉమ్మడి విజయనగరం జిల్లా పరిషత్ చైర్మన్, జిల్లా వైయస్ఆర్ కాంగ్రెస్ పార్టీ అధ్యక్షులు మజ్జి శ్రీనివాసరావు (చిన్న శ్రీను) ప్రత్యేక అభినందనలు తెలిపారు. ఈ సందర్భంగా ఆయన సోషల్ మీడియా సైనికులకు ముందస్తుగా నూతన సంవత్సర శుభాకాంక్షలు తెలియజేశారు. సామాజిక మాధ్యమాల్లో ప్రభుత్వం చేస్తున్న అరాచకాలను ప్రజల దృష్టికి తీసుకువచ్చే క్రమంలో, ఎల్లో మీడియా తప్పుడు ప్రచారాలను ఎప్పటికప్పుడు ఖండిస్తూ వైయస్ఆర్సీపీకి అండగా నిలుస్తున్న ప్రతి ఒక్క సోషల్ మీడియా సైనికుడి కృషి మరువలేనిదని ఆయన పేర్కొన్నారు. ఉమ్మడి విజయనగరం జిల్లాతో పాటు ముంబై, చెన్నై, బెంగుళూరు, హైదరాబాద్ వంటి మహానగరాల్లోనే కాకుండా గల్ఫ్ దేశాలు, ఇతర విదేశాల్లో ఉంటూ తమ ఉద్యోగాలు, పనులతో బిజీగా ఉన్నప్పటికీ పార్టీ కోసం అంకితభావంతో పని చేస్తున్న సోషల్ మీడియా సైనికుల పాత్ర కీలకమని కొనియాడారు.విజయనగరం జిల్లా సోషల్ మీడియా సైనికులకు వైయస్ఆర్ కాంగ్రెస్ పార్టీ అధ్యక్షులు, మాజీ ముఖ్యమంత్రి శ్రీ వైయస్ జగన్ మోహన్ రెడ్డి గారు, పార్టీ సీనియర్ నాయకులు బొత్సా సత్యనారాయణ సహా పార్టీ నాయకత్వం అంతా అండగా ఉంటుందని భరోసా ఇచ్చారు. నూతన సంవత్సరంలో మరింత చురుగ్గా పని చేసి పార్టీ కార్యక్రమాలు, కూటమి ప్రభుత్వ వైఫల్యాలపై వైయస్ఆర్సీపీ చేస్తున్న పోరాటాన్ని ప్రజల్లోకి తీసుకెళ్లాలని సూచించారు.
|
|