04.01.2026 నుండీ 10.01.2026 వరకు ద్వాదశరాశి ఫలములు (వార ఫలాలు)

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే ,చొ, లా,లీ,  లూ, లే, లో,ఆ)పంచమాధిపతి అయిన చంద్రుడు వారం ప్రారంభం నుంచి వారాంతం చతుర్ధ పంచమ షష్ఠ సప్తమ స్థానముల మీదుగా ప్రయాణం, తృతీయ స్థానంలో వక్ర గురుడు, నవమ స్థానంలో రవి, శుక్ర, కుజ, బుధ యుతి.శని, రాహు, కేతు పూర్వ స్థానాల్లో,గ్రహగోచారాలను పరిశీలించగా వారం ప్రారంభంలో  విద్యాసంబంధ విషయాల గురించి ప్రణాళిక పరంగా నిర్ణయాలు తీసుకుంటారు, గృహ వాహన విషయాలు ఆలోచనలు. ఉద్వేగాలు అధికంగా ఉంటాయి. తల్లి యొక్క సలహా సంప్రదింపులతో ముందుకు వెళ్ళడానికి ప్రయత్నం చేస్తారు. మానసిక ప్రశాంతత తక్కువగా ఉంటుంది, విద్యార్థులకు అధిక డివియేషన్స్, కాన్సన్ట్రేషన్ పెంపొందించుకోవాలి. రోగ నిరోధక శక్తిని, కమ్యూనికేషన్ ని పెంపొందించుకుంటూ ముందుకు వెళ్లాలి. వారాంతంలో సాంఘిక సంబంధాలు అనుకూలం, ఉన్నత విద్య, నూతన ఆలోచనలు, విందు వినోదాల్లో పాల్గొనడానికి అవకాశం. హనుమాన్ చాలీసా మేలు చేస్తుంది.

వృషభరాశి...(కృతిక 2,3,4,రోహిణి 1 2 3 4,మృగశిర 1 2 పాదాలు) (నామ నక్షత్రములు:ఈ, ఊ, ఎ, ఓ, వా, వీ, వూ, వె, వో)  

తృతీయాధిపతి  అయిన చంద్రుడు వారం ప్రారంభం నుంచి వారాంతం వరకు  తృతీయ చతుర్ధ పంచమ షష్ఠ స్థాన మీదుగా ప్రయాణం, అష్టమ స్థానంలోరవి, శుక్ర, కుజ, బుధ యుతి. శని, రాహు, కేతు పూర్వ స్థానాల్లో, ద్వితీయ వక్ర గురుడు  గ్రహగోచారమును పరిశీలించగా నిర్ణయాలు, ప్రశాంతత, సహకారం కొంతవరకు అనుకూలం. కమ్యూనికేషన్ బాగుంటుంది. ఆర్థిక విషయాలలో, గృహ సంబంధ అంశాలలో ఖర్చులు అధికంగా ఉన్నప్పటికీ  ఉపయోగకరంగా ఉంటాయి. సంతాన వర్గంతో, మీ ఆలోచనలతో ఘర్షణలు లేకుండా ప్రశాంతంగా ముందుకు వెళ్లాలి. పెట్టుబడులు పెట్టేటప్పుడు ఆచితూచి వ్యవహరించాలి. గృహసౌక్యం సామాన్య. తల్లి యొక్క ఆరోగ్య విషయంలో ప్రత్యేక శ్రద్ధ తీసుకుంటారు. వారం చివరిలో స్త్రీలతో అభిప్రాయ బేధములు రాకుండా దూరంగా ఉండాలి. రోగనిరోధక శక్తిని పెంపొందించుకోవాలి. దూర ప్రయాణాలకు అవకాశం. మంచి ఫలితముల కొరకు విష్ణు సహస్రనామాలు మేలు.

మిధున రాశి...(మృగశిర 3 4,ఆరుద్ర 1 2 3 4,పునర్వసు 1,2,3 పాదాలు) (నామ నక్షత్రములు: కా, కి, కూ, ఖం , జ్ఞ, చ్చ, కే, కో, హ, హి)  ద్వితీయాధిపతి అయిన చంద్రుడు ప్రారంభం నుండి వారాంతం వరకు ద్వితీయ, తృతీయ, చతుర్ధ పంచమ స్థానము మీదుగా ప్రయాణం, సప్తమ స్థానంలో రవి కుజ శుక్ర  బుధ యుతి,  జన్మ వక్ర గురు, రాహు కేతు శని పూర్వ స్థితి. గ్రహగొచరము పరిశీలించగా ఆర్థిక విషయాల అనుకూలంగా ఉంటాయి కుటుంబ సభ్యులతో అనుకూలత పెంపొందించుకుంటారు పూర్వపు రుణాలు అందుతాయి. బంధుమిత్రులతో అనుకూలత మాట విలువ పెరుగుతుంది. ఘర్షణాత్మకమైన వాదనలకు దూరంగా ఉండాలి. ముఖ్యంగా సాంఘిక సంబంధాల విషయంలో కమ్యూనికేషన్ విషయంలో జాగ్రత్త అవసరం. దగ్గర ప్రయాణాలకు అవకాశం నిర్ణయాలు తీసుకుంటారు, ఉన్నత స్థాయి వ్యక్తుల యొక్క పరిచయాలు. నాయకత్వ లక్షణాలు పెంపొందించుకుంటారు. గృహ వాతావరణంలో అహం సమస్యలకు దూరంగా ఉండాలి. వారాంతల్లో సంతాన వర్గం అభివృద్ధికరంగా ఉంటుంది, ఆలోచనలు అనుకూలంగా ఉన్నప్పటికీ స్త్రీలతో వివాదాలు మంచివి కావు. ఉన్నత స్థాయి వ్యక్తుల సహకారంతో ముందుకు వెళ్లే ప్రయత్నాలు. సత్యనారాయణ స్వామి ఆరాధన మేలు.

కర్కాటక రాశి...(పునర్వసు 4, పుష్యమి 1 2 3 4, ఆశ్లేష 1 2 3 4 పాదాలు) (నామ నక్షత్రములు: హి, హూ, హే, హో, డా, డీ ,డూ, డే, డో)రాశి అధిపతి అయిన చంద్రుడు జన్మ ద్వితీయ తృతీయ చతుర్ధ స్థానంలో మీదుగా ప్రయాణం. షష్ఠ స్థానములో శుక్ర  రవి కుజ బుధ  యుతి. వ్యయములో వక్ర గురుడు.  రాహు కేతు శని పూర్వస్థాన స్థితి,ఫలితాంశములు  గ్రహగోచారాలు గమనించగా, మానసిక ప్రశాంతతను పెంపొందించుకోవాలి, ఉద్వేగాలు అధికంగా ఉంటాయి. ముఖ్యంగా వృత్తిపరంగా సంతాన వర్గం యొక్క అభివృద్ధి పరంగా తీసుకునే కీలక నిర్ణయాలలో ప్రశాంతత తక్కువగా ఉంటుంది. నిద్రలేమి. నిరంతరం చుట్టుముట్టే ఆలోచనలతో ఘర్షణ. ఆర్థిక విషయాలలో, కుటుంబ సభ్యులకు మాటలకు సంబంధించి అనుకూలత తక్కువ. కానీ ధైర్యం పెరుగుతుంది, నూతన వృత్తులకు అవకాశం. సద్వినియోగం చేసుకునే సమయంలో అనాసక్తి. ముఖ్యమైన పనులలో, ప్రయత్నాల ఆలస్యాలు. వాతావరణం లో, మీది అయిన విధానాల్లో మార్పులు, సర్దుబాట్లు చేస్తారు. విశ్రాంతి, నిత్య జీవితంలో మార్పులు చేసుకుంటారు. మరిన్ని మంచి ఫలితాల కొరకు దుర్గ దేవి ఆరాధన మేలు.

సింహరాశి...(మఖ 1 2 3 4, పుబ్బ 1 2 3 4, ఉత్తర 1వ పాదం)  (నామ నక్షత్రములు: మా, మీ, మూ, మే, మో, టా, టీ, టూ, టే)వ్యయాధిపతి అయిన చంద్రుడు వారం ప్రారంభం నుంచి వారాంతం  వ్యయ జన్మ ద్వితీయ తృతీయ స్థానంలో మీదుగా ప్రయాణం, పంచమ స్థానంలో రవి శుక్ర కుజ బుధ యుతి, లాభములో వక్ర గురుడు, గ్రహగోచారాలను పరిశీలించగా వారం ప్రారంభంలో ఖర్చులు నిద్రలేమి అలసట ఒత్తిడి, వృత్తిపరమైన ఇబ్బందులు. తల్లితండ్రులతో వాగ్వాదములకు దూరంగా ఉండాలి. వైరాగ్యాన్ని అధిగమిస్తూ మానసిక ప్రశాంతతను పెంపొందించుకోవాలి. అనవసర పెట్టుబడుల కొరకు ఆలోచనని నియంత్రించాలి. కమ్యూనికేషన్ విషయం లో తగిన జాగ్రత్తలతో ముందుకు వెళ్లాలి. వారాంతంలో తోబుట్టులతో అనుకూలంగా ఉంటుంది చర్చలు చేస్తారు సమావేశములు లో పాల్గొంటారు. మంచి నిర్ణయాలు తీసుకుంటారు.దూర ప్రదేశాలలో నూతన పెట్టుబడుల కొరకు, వ్యక్తిగత అభివృద్ధి  అంశాలలో అధిక శాతం కొత్త ఆలోచనలు చేస్తారు. శ్రీకృష్ణ ఆలయాల దర్శన మేలు.

కన్యా రాశి...(ఉత్తరఫల్గుణి 2 3 4,హస్త 4,చిత్త 1 2 పాదాలు) (నామ నక్షత్రములు: టో,పా,పి,పూ,షం,ణా,పే,పో)

లాభాధిపతి అయిన చంద్రుడు వారం ప్రారంభించి వారాంతం వరకు లాభ వ్యయ జన్మ ద్వితీయ స్థానముల మీదుగా ప్రయాణం. చతుర్ధ స్థానంలో రవి శుక్ర కుజ బుధ యుతి,  రాజ్యాంలో వక్ర గురుడు గ్రహగోచారాలను పరిశీలించగా, వారం ప్రారంభంలో  ఆశించిన విషయాలు అనుకూలంగా ఉంటాయి నెట్వర్క్ పెంపొందించుకుంటారు, స్నేహ సంబంధాలలోనూ తోబుట్టువులతో చర్చలు చేస్తారు. వారసత్వాస్తుల గురించి నిర్ణయాలు. దూర ప్రదేశాల నుంచి ఒక మంచి కమ్యూనికేషన్ ఆనందాన్ని పెంచుతుంది. వృత్తిలో బాధ్యతలు అధికంగా ఉంటాయి శ్రమ అలసట పెరుగుతుంది. వారాంతంలో మీ మీద మీకు నమ్మకం ఉత్సాహం శక్తి పెరుగుతాయి, గృహ వాతావరణంలో అననుకూలతలు. చివరిలో ఆర్థిక విషయాలు అనుకూలంగా ఉంటాయి. మాట విలువ పెరుగుతుంది బంధువర్గంతో చర్చలు చేస్తారు.ముఖ్య విషయాలలో బద్దకాన్ని అధిగమించాలి. మరిన్ని మంచి ఫలితాల కొరకు సుబ్రహ్మణ్యేశ్వర స్వామి ఆరాధన మేలు చేస్తుంది

తులా రాశి...(చిత్త 3 4,స్వాతి 1 2 3 4, విశాఖ 1 2 3 పాదాలు) (నామ నక్షత్రములు: రా, రి, రూ, రె, రో, తా, తీ, తూ, తే)    

రాజ్యాధిపతి అయిన చంద్రుడు వారం ప్రారంభం నుంచి వారాంతం వరకు దశమ,  లాభ, వ్యయ, జన్మ స్థానంలో మీదుగా ప్రయాణం, తృతీయములో రవికుజ బుధ శుక్ర యుతి .భాగ్యములో వక్ర గురుడు. గ్రహగోచారాలను గమనించగా  వృత్తి విషయంలో కీలక నిర్ణయాలు తీసుకుంటారు అభివృద్ధికరంగా ముందుకు వెళ్లడానికి తగిన ప్రణాళికలు రచిస్తారు. అధిక శ్రమ బాధ్యతలు అలసట ఉన్నప్పటికీ కుటుంబ సభ్యులు భాగస్వామి సహకారంతో, మీ మాట విలువతో వృత్తిపరంగా మీ ఆలోచనలలో విజయం సాధిస్తారు. విషయాల అభివృద్ధికరంగా ఉంటాయి లాభాలు అనుకూలంగా ఉంటాయి. ఆధ్యాత్మ వ్యక్తులను కలుస్తారు వారి ఆశీస్సులు తీసుకుంటారు. ఎదురుచూసిన లాభాలని సునాయాసంగా పొందుతారు. వారం చివరిలో ఆరోగ్య విషయంలో తగిన జాగ్రత్తలు నిద్రలేమి అలసట నదిగమించాలి సమయానికి ఆహ్వాని స్వీకరణ చేయాలి. నూతన ఆలోచనలు కోరికలు అభివృద్ధితో మానసిక ప్రశాంతతను పొందుతారు. విగ్నేశ్వర ఆరాధన మేలు.

వృశ్చిక రాశి...(విశాఖ 4,అనురాధ 1 2 3 4, జేష్ఠ 1 2 3 పాదాలు) (నామ నక్షత్రములు: తో, నా, నీ, నూ, నె, నో, యా, యీ, యు)   భాగ్యధిపతి చంద్రుడు వారం ప్రారంభం నుంచి వారాంతంవరకు  నవమ దశమ లాభ వ్యయ స్థానముల మీదుగా ప్రయాణం, ద్వితీయములో స్థానములోరవి శుక్ర కుజ బుధ యుతి.  అష్టమ లోవక్ర గురుడు గ్రహగోచారాలను పరిశీలించగా ఆధ్యాత్మిక విషయంలో, ప్రయాణాలలో ఆటంకాలు సంతాన వర్గం యొక్క అభివృద్ధిలో అసంతృప్తులు ఉన్నప్పటికీ కొన్ని కార్యక్రమాలు ముందుకు సాగుతాయి. ఆర్థిక విషయాలు అనుకొలత. తండ్రి పెద్దల యొక్క ఆశీస్సులు కొరకు ఆలోచనలు చేస్తారు. వృత్తిపరమైన విషయాలలో శ్రమ, ఒత్తిడి, ఘర్షణ ఉన్నప్పటికీ గుర్తు చేసే ప్రదేశాలలో వ్యక్తులతో, ముఖ్యంగా పై అధికారులతో మాట పట్టింపులకి విభేదాలు కి దూరంగా ఉండాలి. వారం చివరిలో ఇది చూసిన విషయాలు చాలా వరకు అనుకూలంగా ఉంటాయి, అయినప్పటికీ జ్ఞాపక శక్తిని పెంపొందించుకోవాలి, సంతానవర్గంతో వైరుధ్యాలకు దూరంగా ఉండాలి. ముఖ్యమైన పనులలో, ప్రయాణములలో కొంత అలసట శ్రమ అధికంగా ఉంటాయి. ఒత్తిడిని అధిగమించాలి ధ్యానం చేయాలి. ఆరోగ్య విషయంలో శ్రద్ధ అవసరం. దత్తాత్రేయుడి ఆరాధన మేలు

ధను రాశి...(మూల 1 2 3 4,పూర్వాషాఢ 1 2 3 4,ఉత్తరాషాఢ 1వ  పాదం) (నామ నక్షత్రములు: యే, యో, భా,భీ, భూ, ధ, ఫ, డా, భే)సప్తమాధిపతి అయిన చంద్రుడు వారం ప్రారంభం నుంచి వారాంతం వరకు అష్టమ నవమ దశమ లాభ స్థానముల మీదుగా ప్రయాణం, జన్మములో రవి బుధ కుజ శుక్ర యుతి, సప్తమ స్థానంలో వక్ర గురుడు. గ్రహగోచారాలను గమనించగా  ఆకస్మిక ఖర్చులు అనవసరమైన అపవాదులకు దూరంగా ఉండాలి. విద్యాపరంగా, ముఖ్యంగా రిసర్చ్ సంబంధించి కొత్త నిర్ణయాలు తీసుకుంటారు. తల్లి ఆరోగ్య విషయంలోనూ శ్రద్ధ అవసరం. వారసత్వపు ఆస్తుల విషయంలో ఆలోచనలు. తండ్రి, పెద్దలను కలిసి వృత్తిపరమైన అభివృద్ధి విషయంలో చర్చలు చేస్తారు. మానసిక ఉద్వేగాలకు, మాటలలో ఘర్షణలకు కొంత దూరం మేలు. నాయకత్వ లక్షణాలు పెరుగుతాయి. కమ్యూనికేషన్ విషయంలో తగిన జాగ్రత్తలతో ముందుకు వెళ్లాలి, ముఖ్యంగా విద్యార్థులు ఎలక్ట్రానిక్ పరికరాలు ఉపయోగించేటప్పుడు ఇబ్బందులు ఎదుర్కొంటారు. వారాంతంలో విందు వినోదాల్లో పాల్గొంటారు, దూరప్రాంతం నుంచి మంచి వార్త ఆనందాన్నిస్తుంది. వాహన గృహ కొనుగోలు లేదా మార్పు కొరకు ప్రయత్నాలు. వ్యక్తిగత ఆకర్షణ శ్రద్ధ పెరుగుతాయి. మరిన్ని మంచి ఫలితాల కొరకు లలిత సహస్రనామం మేలు.

మకర రాశి...(ఉత్తరాషాఢ 2 3 4, శ్రవణం 1 2 3 4, ధనిష్ఠ 1 2  పాదాలు) (నామ నక్షత్రములు: భ,జా,జి,ఖి,ఖు,ఖే,ఖో,గా,గి)

సప్తమాధిపతి అయిన చంద్రుడు వారం ప్రారంభం నుంచి వారాంతం వరకు సప్తమ అష్టమ నవమ దశమ స్థానముల మీదుగా సంచారం, వ్యయస్థానంలో రవికుజశుక్ర బుధ యుతి , షష్ఠ స్థానంలో వక్ర గురుడు. గ్రహగోచారాలను గమనించగా సాంఘిక సంబంధాలు అనుకూలంగా ఉంటాయి, భాగస్వామి వ్యవహారాల శ్రద్ధ తీసుకుంటారు. స్థిరాస్తులు పెంపొందించుకోవడానికి, గవర్నమెంట్ లోన్లు తీసుకోవడానికి చేసే ప్రయత్నాలలో కమ్యూనికేషన్ విషయంలో జాగ్రత్తలు అవసరం. దూర ప్రయాణాలకు అవకాశం. తీర్థయాత్రలు ఆధ్యాత్మిక ఆలోచనలు అధికంగా ఉంటాయి. ముఖ్యంగా ఉన్నతాధికారులను కలిసినప్పుడు చర్చించేటప్పుడు, వృత్తిపరమైన అంశాలలో తగిన జాగ్రత్తలతో ముందుకు వెళ్లాలి. ఆరోగ్య విషయంలో శ్రద్ధ అవసరం. ముఖ్యంగా వాహనాల నడిపేవారు, ప్రయాణాలు చేసేవారు శ్రద్ధతో ముందుకు వెళ్లాలి. వృత్తిపరంగా పై వారితో ఆచితూచి వ్యవహరించాలి. మంచి ఫలితాలు కొరకు నరసింహస్వామిఆరాధన మేలు.

కుంభ రాశి...(ధనిష్ట 3 4, శతభిషం 1 2 3 4, పూర్వాభాద్ర 1 2 3  పాదాలు) (నామ నక్షత్రములు: గూ, గే, గో, సా, సి, సు, సే, సో, దా)    

షష్ఠాధిపతి అయిన చంద్రుడు వారం ప్రారంభం నుంచి వారాంతం వరకు  షష్ట సప్తమ అష్టమ నవమ  స్థానం ల మీదుగా ప్రయాణం. లాభములో రవికుజ బుధ శుక్ర యుతి , పంచమ స్థానంలోవక్ర గురుడు గ్రహగోచారాలను గమనించగా రుణములకు సంబంధించిన విషయాలలో  కొంతవరకు మేలు. విద్యార్థులు విద్యాసంబంధమైన విషయాలలో పట్టుదలగా శ్రమిస్తే ప్రత్యర్థుల మీద విజయం సాధిస్తారు. ఆరోగ్య విషయంలో తగిన శ్రద్ధతో ముందుకు వెళ్లి మంచి ఫలితాలు సాధిస్తారు. రోగ నిరోధక శక్తిని పెంపొందించుకుంటారు. నూతన నైపుణ్యాలు పెరుగుతాయి. సామాజిక సంబంధాలు అనుకూలంగా ఉంటాయి. ఉన్నత స్థాయి వ్యక్తులకు సహకారమానందాన్నిస్తుంది. ప్రయాణాలు అనుకూలం. కమ్యూనికేషన్ తగిన విధంగా ఉంటుంది. అయినప్పటికీ వారాంతంలో ముఖ్యమైన విషయాలలో తొందరపాటు నిర్ణయాలు పనికిరావు. ఆచితూచి వ్యవహరించడం మేలు. వారసత్వస్తులు అనుకూలం. తల్లితండ్రుల యొక్క సహకారం అనుకూలంగా ఉంటుంది. ఉన్నత విద్య ద్వారా ప్రయాణాలులభిస్తాయి. శివాలయ దర్శనం మేలు

మీన రాశి...(పూర్వాభాద్ర 4,ఉత్తరాభాద్ర 1 2 3 4,రేవతి 1 2 3 4 పాదాలు)(నామ నక్షత్రములు: దీ , దు, ఇ+, ఝ, ధా, దే, దో, చా, చి)పంచమాధిపతిఅయిన చంద్రుడు వారం ప్రారంభం నుంచి వారాంతం వరకు  పంచమ షష్ట సప్తమ అష్టమస్థానముల మీదుగా  ప్రయాణం, రాజ్యస్థానంలోరవికుజ బుధ శుక్ర యుతి , చతుర్ధ స్థానంలో వక్ర గురుడు గ్రహగోచారాలను గమనించగా   ఆర్థిక విషయాలలో మంచి నిర్ణయాలు తీసుకుంటారు. ఆలోచనలు, సంతాన వర్గం అనుకూలంగా ఉంటాయి. వృత్తిపరమైన అభివృద్ధి కొరకు పెద్దలను సంప్రదిస్తారు. అధిక శ్రమతో ప్రత్యర్ధుల మీద విజయం సాధిస్తూ గౌరవాన్ని పెంపొందించుకుంటూ నూతన నైపుణ్యాలతో అభివృద్ధి దిశగా ప్రయత్నం చేస్తారు. రోగ్నిరోధక శక్తిని పెంపొందించుకోవాలి. పూర్వ రుణములు తీర్చి వేయడం మంచిది. భాగస్వామికి వృత్తిపరమైన అభివృద్ధి. వ్యాపార విషయాలు అనుకూలం. వారాంతంలో ఒత్తిడి అధికంగా ఉంటుంది, ముఖ్యమైన విషయాలు, పనులు వాయిదా, ప్రశాంతత లోపం. మంచి ఫలితాల కొరకు విష్ణుమూర్తి ఆలయాలు మేలు 

(గమనిక: గోచార రీత్యా చెప్తున్న రాశి ఫలితాలు జనరల్ వి, వ్యక్తిగతంగా ఉద్దేశించి చెబుతున్నవి కావు, వ్యక్తిగత జన్మజాతకంలో అనగా వ్యక్తి జన్మ కుండలి (జన్మించిన సమయం, తేదీ, ప్రదేశం ఆధారంగా నిర్మించేది) ప్రకారం నడిచే దశలు అంతర్దశలు ప్రధానంగా చూసుకుంటూ ఆ దశ అంతర్దశలకు సంబంధించిన దానికి తగిన పరిహారాలు పాటించుకుంటూ, దానితో పాటు ఈ గోచార ఫలితాలను చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే  రాశి   ప్రస్తుత అశుభ ఫలితాలు స్వల్పంగానే ఉంటాయి. చిన్న చిన్న పరిహారాలు పాటించి శుభ ఫలితాలు పొందగలరు).

డా|| ఈడ్పుగంటి పద్మజారాణి / Dr Edupuganti Padmaja Rani
జ్యోతిష్యము & వాస్తు నిపుణురాలు / Astrology & Vaastu Consultant
email : padma.suryapaper@gmail.com
www.padmamukhi.com