బంపర్ ఆఫర్..ముంబై కెప్టెన్‌గా శ్రేయాస్ అయ్యర్

భారత స్టార్ బ్యాటర్ శ్రేయాస్ అయ్యర్ ఆస్ట్రేలియాతో జరిగిన మ్యాచ్‌లో గాయపడిన సంగతి తెలిసిందే. దీంతో అతడు బెంగళూరులోని బీసీసీఐ సెంటర్ ఆఫ్ ఎక్సెలెన్స్‌లో డిసెంబర్ 25న చేరాడు. డిసెంబర్ 30 నాటికి శ్రేయాస్ అయ్యర్ ఫిట్‌నెస్ సాధించి బయటకు వస్తాడనుకున్నా.. గాయం తీవ్రతతో అది జరగలేదు. ఈ నేపథ్యంలో ఇంకా ఒక మ్యాచ్ సిములేషన్ మిగిలి ఉండగానే న్యూజిలాండ్‌తో జరిగే వన్డే సిరీస్‌కు శ్రేయాస్ అయ్యర్‌ను ఎంపిక చేశారు. అయితే అతడు జట్టులో ఉండే కొనసాగే అంశం.. తమ క్లియరెన్స్‌కు అనుగుణంగా ఉంటుందని బీసీసీఐ పేర్కొంది. ఈ నేపథ్యంలో శ్రేయస్ అయ్యర్ సెంటర్ ఆఫ్‌ ఎక్సలెన్స్‌లో ఇంటెన్సివ్ రిహాబ్‌ను పూర్తి చేసుకున్నట్లు తెలుస్తోంది. దీంతో విజయ్ హజారే ట్రోఫీలో కెప్టెన్‌గా శ్రేయాస్ అయ్యర్ బరిలోకి దిగనున్నాడని.. ముంబై జట్టు చీఫ్ సెలెక్టర్ సంజయ్ పాటిల్ వెల్లడించారు.

పెద్ద హీరోల మెయింటెనెన్స్ రూ. 25 కోట్లు.. ట్రైనర్‌కి నెలకి రూ.15 లక్షల జీతం.. షాకింగ్ లెక్కలు చెప్పిన బన్నీ వాసు

ఇప్పటివరకు ముంబై జట్టుకు కెప్టెన్‌గా వ్యవహరించిన శార్దుల్ ఠాకూర్‌కు గాయమవడంతో శ్రేయాస్ అయ్యర్‌కు అవకాశం లభించింది. గాయంతో న్యూజిలాండ్ సిరీస్‌లో ఆడటం కష్టం అనుకుంటే.. ఏకంగా విజయ్ హజారే ట్రోఫీలో కెప్టెన్‌గా అవకాశం రావడం గమనార్హం. దీంతో కివీస్‌తో సిరీస్‌కు ముందు.. శ్రేయాస్‌కు మంచి అవకాశం వచ్చినట్లు అయింది. ముంబై ఆడాల్సిన చివరి రెండు లీగ్ మ్యాచ్‌లకు శ్రేయాస్ అయ్యర్‌ను కెప్టెన్‌గా నియమించారు. కాగా, ఇప్పటివరకు 5 మ్యాచ్‌ల్లో నాలుగు గెలుపొందింది. దీంతో ఎలైట్ గ్రూప్‌ సిలో 16 పాయింట్లతో రెండో స్థానంలో ఉంది. అయితే మహారాష్ట్రతో జరిగిన మ్యాచ్‌లో 128 పరుగుల తేడాతో ఓడిపోవడంతో ఆ జట్టు నెట్‌ రన్‌రేట్ పడిపోయింది.

మరోవైపు, జనవరి 6న హిమచల్‌ప్రదేశ్‌తో, జనవరి 8న పంజాబ్‌తో తలపడనుంది ముంబై జట్టు. ఈ రెండు మ్యాచ్‌ల్లో కనీసం ఒక్క దాంట్లోనైనా గెలిస్తేనే ముంబై.. నాకౌట్ దశకు అర్హత సాధిస్తుంది. అయితే ఈ మ్యాచ్‌లు ముంబైతోపాటు.. శ్రేయాస్ అయ్యర్‌కు కీలకం కానున్నాయి. ఇందులో ఎలాంటి ఇబ్బంది లేకుండా ఆడితేనే.. అతడికి ఫిట్‌నెస్ క్లియరెన్స్ వస్తుంది. ఈ మ్యాచ్‌లో నిరూపించుకుంటేనే శ్రేయాస్‌కు న్యూజిలాండ్ సిరీస్ జట్టులో ఉంటాడని సెలెక్టర్లు ఇప్పటికే స్పష్టం చేశారు.

ఇటీవల ఆస్ట్రేలియా పర్యటన సందర్భంగా శ్రేయాస్ అయ్యర్ తీవ్రంగా గాయపడ్డాడు. క్యాచ్ పట్టే ప్రయత్నంలో శ్రేయాస్‌ పొత్తికడుపు భాగంలో తీవ్ర గాయం అయింది. దీంతో అత‌డి స్ప్లీన్ (ప్లీహం) చీలికకు గురై.. అంతర్గత రక్తస్రావం జరిగింది. దీంతో వెంట‌నే అత‌డిని సిడ్నీలోని ఆసుపత్రికి తీసుకువెళ్లి ఐసీయూలో చికిత్స అందించారు. అనంతరం బెంగళూరులో ఉన్న సెంటర్ ఆఫ్ ఎక్స్‌లెన్స్‌లో చేరాడు.