లిఫ్ట్ ఇరిగేషన్ ప్రాజెక్టులను చంద్రబాబు నిలిపివేయడం వల్ల రైతులు తీవ్రంగా నష్టపోయారు
Andhra Pradesh Telugu | Suryaa Desk | Published : Tue, Jan 13, 2026, 09:44 AM
మాజీ ముఖ్యమంత్రి వైయస్ జగన్మోహన్ రెడ్డి ప్రజల తరఫున లేవనెత్తుతున్న ప్రశ్నలకు టీడీపీ నేతల వద్ద సరైన సమాధానాలు లేవని వైయస్ఆర్ కాంగ్రెస్ పార్టీ రీజినల్ కో-ఆర్డినేటర్ మిథున్ రెడ్డి స్పష్టం చేశారు. రాయలసీమ, నెల్లూరు జిల్లాలకు జీవనాధారంగా ఉన్న లిఫ్ట్ ఇరిగేషన్ ప్రాజెక్టులను చంద్రబాబు నాయుడు ప్రభుత్వం నిలిపివేయడం వల్ల రైతులు తీవ్రంగా నష్టపోయారని ఆరోపించారు. జగన్ ప్రజల కోసం పనిచేస్తే, చంద్రబాబు స్వార్థ ప్రయోజనాల కోసమే పనిచేస్తున్నారని విమర్శించారు. 40 శాతం ఓటింగ్తోనే వైయస్ఆర్సీపీ బలంగా ఉందని, కోటి సంతకాల సేకరణే పార్టీకి ఉన్న ప్రజా మద్దతుకు నిదర్శనమని అన్నారు. మెడికల్ కాలేజీలపై టెండర్లు పిలిచినా ఒక్కరూ ముందుకు రాకపోవడం ప్రభుత్వ వైఫల్యానికి నిదర్శనమని, అమరావతి రైతులకు జరుగుతున్న అన్యాయంపై మాత్రమే వైయస్ఆర్సీపీ పోరాడుతోందని తెలిపారు. గుండెపోటుతో రైతు మృతి చెందిన ఘటనలో ఇప్పటివరకు ఆ కుటుంబానికి ప్రభుత్వం భరోసా ఇవ్వలేకపోయిందని విమర్శించారు.
|
|