టీ20 ప్రపంచకప్ 2026లో ఆడతామో లేదో చెప్పలేమంటున్న బంగ్లాదేశ్
sports | Suryaa Desk | Published : Wed, Jan 21, 2026, 01:56 PM
టీ20 ప్రపంచకప్ 2026లో బంగ్లాదేశ్ జట్టు పాల్గొనడంపై అనిశ్చితి నెలకొంది. ఈ విషయంపై స్పందించడం తనకు సురక్షితం కాదంటూ ఆ జట్టు కెప్టెన్ లిటన్ దాస్ చేసిన వ్యాఖ్యలు ఈ వివాదాన్ని మరింత తీవ్రం చేశాయి. ప్రపంచకప్కు ఇంకా రెండు వారాల సమయం మాత్రమే ఉన్నా, బంగ్లాదేశ్ భాగస్వామ్యంపై నీలినీడలు కమ్ముకున్నాయి.భద్రతా కారణాలను చూపిస్తూ తమ మ్యాచ్లను భారత్ నుంచి శ్రీలంకకు మార్చాలని బంగ్లాదేశ్ క్రికెట్ బోర్డు (BCB), ఐసీసీని కోరింది. అయితే, ఈ అభ్యర్థనకు ఐసీసీ సుముఖంగా లేకపోవడంతో పలు దఫాలుగా జరిగిన చర్చలు విఫలమయ్యాయి. దీంతో ఇరు వర్గాల మధ్య ప్రతిష్టంభన కొనసాగుతోంది.మంగళవారం బంగ్లాదేశ్ ప్రీమియర్ లీగ్ (బీపీఎల్) మ్యాచ్ అనంతరం లిటన్ దాస్ను ప్రపంచకప్ సన్నద్ధతపై ప్రశ్నించగా, ఆయన ఆసక్తికర వ్యాఖ్యలు చేశారు. "మేము వరల్డ్ కప్ ఆడతామని మీరు ఖచ్చితంగా అనుకుంటున్నారా? నాకైతే అనిశ్చితిగానే ఉంది. ఇప్పుడు బంగ్లాదేశ్ మొత్తం అనిశ్చితిలో ఉంది. ఈ ప్రశ్నకు సమాధానం ఇవ్వడం నాకు సురక్షితం కాదు" అని పేర్కొన్నారు.
|
|