ట్రెండింగ్
ఆర్ఎంజెడ్ గ్రూప్తో భాగస్వామ్యం కుదిరినట్లు ప్రకటించిన లోకేష్
Andhra Pradesh Telugu | Suryaa Desk | Published : Wed, Jan 21, 2026, 01:58 PM
దావోస్లో జరుగుతున్న ప్రపంచ ఆర్థిక సదస్సు (WEF-2026) వేదికగా రాష్ట్ర ప్రభుత్వం భారీ ఒప్పందం కుదుర్చుకుంది. ప్రముఖ ఇన్ఫ్రాస్ట్రక్చర్ సంస్థ ఆర్ఎంజెడ్ (RMZ) గ్రూప్తో 10 బిలియన్ డాలర్ల (సుమారు రూ. 83,000 కోట్లు) వ్యూహాత్మక భాగస్వామ్యం కుదిరినట్లు రాష్ట్ర ఐటీ శాఖ మంత్రి నారా లోకేశ్ మంగళవారం ప్రకటించారు. ఈ పెట్టుబడి ద్వారా రాష్ట్రవ్యాప్తంగా లక్ష ఉద్యోగాలు సృష్టించడమే లక్ష్యమని ఆయన తెలిపారు.ఈ ఒప్పందంలో భాగంగా విశాఖపట్నంలో 10 మిలియన్ చదరపు అడుగుల (1 కోటి చ.అ.) విస్తీర్ణంలో గ్లోబల్ కేపబిలిటీ సెంటర్ (GCC) పార్క్ను ఏర్పాటు చేయనున్నారు. దీంతో పాటు 1 గిగావాట్ సామర్థ్యంతో హైపర్స్కేల్ డేటా సెంటర్ క్లస్టర్ను కూడా నిర్మించనున్నారు. ఈ ప్రాజెక్టులతో విశాఖ నగరాన్ని కీలకమైన డిజిటల్, జీసీసీ, ఏఐ హబ్గా తీర్చిదిద్దాలని ప్రభుత్వం లక్ష్యంగా పెట్టుకుంది.
|
|