‘ధురందర్’ బీట్‌కు స్టెప్పులేసిన Suryakumar Yadav – ఫ్యాన్స్ ఫిదా!

బాలీవుడ్ ఎనర్జిటిక్ స్టార్ Ranveer Singh నటించిన ‘ధురందర్’ సినిమా బాక్సాఫీస్ వద్ద రికార్డుల వేట కొనసాగిస్తోంది. ఈ చిత్రంలో Akshaye Khanna ప్రదర్శించిన మేనరిజమ్స్, డ్యాన్స్ స్టెప్స్ ప్రస్తుతం సోషల్ మీడియాలో విపరీతంగా వైరల్ అవుతున్నాయి. ఇదే ట్రెండ్‌ను తాజాగా టీమిండియా స్టార్ క్రికెటర్, ముంబై ఇండియన్స్ బ్యాటర్ Suryakumar Yadav రీక్రియేట్ చేసి అభిమానులను ఆశ్చర్యపరిచాడు.ముంబై ఇండియన్స్ నిర్వహించిన ఓ కార్యక్రమంలో సూర్యకుమార్ యాదవ్ గ్రాండ్ ఎంట్రీ ఇస్తూ, అక్షయ్ ఖన్నా పోషించిన ‘రెహ్మాన్ డకైత్’ పాత్రకు సంబంధించిన సిగ్నేచర్ డ్యాన్స్ స్టెప్పును చేస్తూ వేదికపైకి వచ్చాడు. ఈ వీడియోను Mumbai Indians తమ ఇన్‌స్టాగ్రామ్ ఖాతాలో “ఇది దాదా స్టైల్… ఫుల్ ధురందర్ మోడ్” అనే క్యాప్షన్‌తో షేర్ చేయగా, అది క్షణాల్లోనే సోషల్ మీడియాలో వైరల్ అయింది.‘ధురందర్’ సినిమాలో అక్షయ్ ఖన్నా ఓ పాకిస్థానీ క్రైమ్ లార్డ్ నుంచి రాజకీయ నాయకుడిగా మారే ‘రెహ్మాన్ డకైత్’ పాత్రలో కనిపించాడు. ఆయన డ్యాన్స్ చేసిన ‘FA9LA’ పాట ప్రేక్షకులను ఎంతగానో ఆకట్టుకుంది. ఆ పాటలోని ప్రత్యేకమైన స్టెప్ ఇప్పుడు ట్రెండింగ్‌లో ఉండగా, అదే స్టెప్‌ను సూర్యకుమార్ యాదవ్ అనుకరించడం వీడియోకు మరింత హైప్ తీసుకొచ్చింది.Aditya Dhar దర్శకత్వంలో తెరకెక్కిన ఈ చిత్రంలో రణ్‌వీర్ సింగ్ ప్రధాన పాత్ర పోషించగా, మార్చి 19న విడుదలైన ఈ సినిమా కేవలం 14 రోజుల్లోనే భారీ వసూళ్లు సాధించింది. ఇండియాలో నెట్ కలెక్షన్స్ రూ. 920.02 కోట్లు దాటగా, గ్రాస్ వసూళ్లు రూ. 1,101.47 కోట్లకు చేరుకున్నాయి. రెండో వారంలో కూడా ఈ చిత్రం జోరు తగ్గకుండా రూ. 245.85 కోట్లు రాబట్టి బాక్సాఫీస్ వద్ద తన ప్రభంజనం కొనసాగిస్తోంది.