నేడు నవోదయ ఆరో తరగతి ప్రవేశ పరీక్ష
Education | Suryaa Desk | Published : Sat, Apr 30, 2022, 12:42 PM
కృష్ణా జిల్లా: బాపులపాడు మండలం వేలేరు గ్రామంలోని జవహర్ నవోదయ విద్యాలయాలో 2022-23 విద్యా సంవత్సరానికి గాను ఆరో తరగతి ప్రవేశానికిగాను శనివారం ప్రవేశ పరీక్ష జరగనుంది. ఇందుకు సంబంధించిన అన్ని ఏర్పాట్లు పూర్తయినట్లు నవోదయ విద్యాలయ సమితి ప్రిన్సిపాల్ సాయి సుబ్బారావు తెలిపారు. ఈ మేరకు శుక్రవారం స్థానిక విలేకరులకు ఆయన ఒక ప్రకటన విడుదల చేశారు.
కృష్ణాజిల్లా, ఎన్టీఆర్ జిల్లాల పరధిలో 31 పరీక్షా కేంద్రాలను ఏర్పాటు చేశామని అని, ఆ పరీక్షా కేంద్రాలలో 3572 మంది విద్యార్థులు ప్రవేశపరీక్ష రాయనున్నట్లు చెప్పారు. ఉదయం 11: 15 నిమిషాలకు పరీక్ష ప్రారంభమై మధ్యాహ్నం 1: 30 నిమిషాలకు ముగుస్తుందని, ఈ పరీక్షకు హాజరయ్యే విద్యార్థులు అందరూ గంట ముందే ఆయా పరీక్ష కేంద్రాలకు చేరుకోవాలని సూచించారు. విద్యార్థులు హాల్ టిక్కెట్ ను రెండు కాపీలు జిరాక్స్ తీసుకొని వాటిపై ప్రస్తుతం ఐదో తరగతి చదువుతున్న పాఠశాల ప్రిన్సిపల్ సంతకం మరియు స్టాంపును వేసిన ఆ కాపీలతో పరీక్ష కేంద్రానికి హాజరుకావాలని సూచించారు.
|
|
