నేడు విశాఖకు ముఖ్యమంత్రి రాక
Andhra Pradesh Telugu | Suryaa Desk | Published : Fri, Aug 26, 2022, 10:43 AM
ముఖ్యమంత్రి వైఎస్‌ జగన్మోహన్‌రెడ్డి శుక్రవారం నగరానికి రానున్నారు. ఆయన ఉదయం గన్నవరంలో బయలుదేరి 9. 50 గంటలకు విశాఖపట్నం విమానాశ్రయానికి చేరుకుంటారు. అక్కడ నుంచి నేరుగా ఆర్కే బీచ్‌రోడ్డులో గల ఏయూ కన్వెన్షన్‌ హాలుకు వెళతారు. అక్కడ బీచ్‌ క్లీనింగ్‌కు సంబంధించిన స్టాళ్లు, ఫొటోలు, వీడియోలను పరిశీలిస్తారు. 10. 30 గంటలకు కన్వెన్షన్‌ హాలులో జరిగే కార్యక్రమంలో పాల్గొంటారు.
సీఎం సమక్షంలో ప్లాస్టిక్‌ వ్యర్థాల నుంచి చెప్పులు తయారుచేసేందుకు పార్లే ఫర్‌ ది ఓషన్‌ సంస్థ రాష్ట్ర ప్రభుత్వంతో ఒప్పందం కుదుర్చుకోనున్నది. అక్కడి నుంచి 11. 15 గంటలకు బయలుదేరి ఏయూ కాన్వొకేషన్‌ హాలుకు చేరుకుంటారు. అక్కడ మైక్రోసాఫ్ట్‌ సంస్థ ఆధ్వర్యంలో శిక్షణ పొందిన అభ్యర్థులకు సర్టిఫికెట్లు అందజేస్తారు. అనంతరం 12. 10 గంటలకు అక్కడ నుంచి బయలుదేరి ఎయిర్‌ పోర్టు కు చేరుకుని విజయవాడ వెళ్ళిపోతారు.
|
|