ట్రెండింగ్
రామయ్యకు వైభవంగా పట్టాభిషేకం
Bhakthi | Suryaa Desk | Published : Fri, Aug 26, 2022, 01:15 PM
భద్రాచలం శ్రీ సీతారామచంద్రస్వామికి గురువారం పట్టాభిషేకం కార్యక్రమాన్ని వైభవంగా నిర్వహించారు. ప్రతి నెల పుష్యమి నక్షత్రాన్ని పురస్కరించుకొని భద్రాద్రి రామయ్యకు పట్టాభిషేక కార్యక్రమం నిర్వహించడం అనాధిగా వస్తున్న సంప్రదాయం. అందులో భాగంగా శ్రీ సీతారామచంద్రస్వామి నిత్య కల్యాణమూర్తులను నిత్య కల్యాణ మండప వేదిక వద్దకు తీసుకొచ్చారు. ఈ సమయంలో తొలుత స్వామివారికి కల్యాణోత్సవాన్ని నిర్వహించారు. అనంతరం సంకల్పం, కలశా వాహన, అష్టదిక్పాలక ఆవాహన, రామాయణంలోని పట్టాభిషేక ఘట్ట పారాయణం, పట్టాభిషేక వైభవవివరణ, జలప్రోక్షణ, వేద ఆశీర్వచనం, మంగళ హారతితో పట్టాభిషేక కార్యక్రమం పరిసమాప్తి అయ్యింది.
|
|