ట్రెండింగ్
పల్నాడు జిల్లాలో ఘోర ప్రమాదం..ముగ్గురు కూలీల దుర్మరణం
Andhra Pradesh Telugu | Suryaa Desk | Published : Sun, Sep 04, 2022, 03:15 PM
రోడ్డు ప్రమాదం ముగ్గురు కూలీలను మింగేసింది. పల్నాడు జిల్లాలో ఈ ఉదయం ఘోర ప్రమాదం చోటుచేసుకుంది. నాపరాళ్లతో వెళ్తున్న లారీ అదుపు తప్పి బోల్తా పడటంతో.. లారీలో ఉన్న ముగ్గురు కూలీలు దుర్మరణం చెందారు. నకిరికల్లు మండలం శాంతినగర్ వద్ద ఈ రోడ్డు ప్రమాదం చోటుచేసుకుంది. మాచర్ల నుంచి భీమవరం వెళ్తున్న నాపరాళ్ల లారీ సరిగ్గా శాంతినగర్ వద్దకు రాగానే అదుపు తప్పి కింద పడింది. ఈ ప్రమాదంలో నాపరాళ్లు లారీలోని ముగ్గురు కూలీలపై పడటంతో వారు అక్కడికక్కడే మృతిచెందారు. మృతులు పసర్లపాడుకు చెందిన అమారేసు శ్రీను, దొడ్డ భాస్కరరావు, రమావత్ మునినాయక్‌గా గుర్తించారు. సంఘటనా స్థలానికి చేరుకున్న పోలీసులు మృతదేహాలను నర్సరావుపేట ప్రభుత్వాస్పత్రికి తరలించారు.
|
|