ట్రెండింగ్
ఘోర రోడ్డు ప్రమాదం.. మహిళ దుర్మరణం
Andhra Pradesh Telugu | Suryaa Desk | Published : Tue, Sep 06, 2022, 01:44 PM
శ్రీకాకుళం జిల్లా ఇచ్చాపురం నియోజకవర్గం సోంపేట మండలంలోని పాలవలస గ్రామ సమీపంలో మంగళవారం ఉదయం ఘోర రోడ్డు ప్రమాదం జరిగింది. ఈ ప్రమాదంలో ఓ మహిళ మృతి చెందింది. వివరాల్లోకి వెళితే. పాలెం గ్రామానికి చెందిన మద్దిల లక్ష్మమ్మ గ్రామానికి నడుచుకుంటూ వెళ్తుండగా ద్విచక్ర వాహనం రావడంతో లిఫ్ట్ అడిగి ఆ వాహనం ఎక్కింది. కాసేపటికి వెనుక నుంచి ఓ కారు వీరి బైక్‌ను ఢీకొంది. ఈ ప్రమాదంలో లక్ష్మమ్మ తుళ్లిపడగా ఆమె పైనుంచి కారు వెళ్లడంతో తీవ్రగాయాలై అక్కడికక్కడే మృతి చెందింది. ఘటనపై పోలీసులు కేసు నమోదు చేసి దర్యాప్తు చేస్తున్నారు.
|
|