ఈ నెల 9న విజ్ఞాన్స్‌ వర్సీటీకి వెంకయ్య నాయుడు రాక
Andhra Pradesh Telugu | Suryaa Desk | Published : Tue, Sep 06, 2022, 05:16 PM
గుంటూరు: చేబ్రోలు మండలం వడ్లమూడి విజ్ఞాన్స్‌ యూనివర్సిటీకి ఈ నెల 9న మాజీ ఉపరాష్ట్రపతి ముప్పవరపు వెంకయ్యనాయుడు వస్తున్నారని వర్సీటీ వైస్‌ చాన్స్‌లర్‌ ప్రొఫెసర్‌ పీ. నాగభూషణ్ మంగళవారం తెలిపారు. ఈ సందర్భంగా ఏర్పాటు చేసిన కార్యక్రమంలో వైస్‌ చాన్స్‌లర్‌ మాట్లాడుతూ ‘‘డెవలప్‌మెంట్‌ ఆఫ్‌ లీడర్‌షిప్‌ క్వాలిటీస్‌’’ అనే అంశంపై ఆయన విద్యార్థులనుద్దేశించి ప్రసంగిస్తారని వెల్లడించారు.
అంతేకాకుండా దేశంలోని యువతకు గల భవిష్యత్‌ అవకాశాలు, దేశ అభివృద్ధిలో యువత ప్రాముఖ్యత మరియు వారి ప్రమేయం అనే అంశాలపై కూడా మాట్లాడుతారని పేర్కొన్నారు. ఆయనతో పాటు కార్యక్రమంలో విజ్ఞాన్స్‌ విద్యాసంస్థల చైర్మన్‌ డాక్టర్‌ లావు రత్తయ్య, వైస్‌ చాన్స్‌లర్‌ ప్రొఫెసర్‌ పీ. నాగభూషణ్, రిజిస్ట్రార్‌ డాక్టర్‌ ఎంఎస్‌ రఘునాథన్, ఆయా విభాగాల డీన్లు, అధిపతులు, యూనివర్సిటీ సిబ్బంది, విద్యార్థులు పాల్గొంటారని తెలిపారు.
|
|