అంతర్జాతీయ కళాకారులకు సత్కారం
Andhra Pradesh Telugu | Suryaa Desk | Published : Fri, Sep 09, 2022, 12:50 PM
పాత మంగళగిరి జి. ఆర్. స్కూల్ సెంటర్ వద్ద శ్రీ బాలగణపతి ఉత్సవ సేవా సంఘం ఏర్పాటు చేసిన గణనాధుని విగ్రహం వద్ద గురువారం రాత్రి ప్రపంచ స్థాయి నృత్య పోటీల్లో పాల్గొన్న మంగళగిరికి చెందిన నృత్య కళాకారిణి దీపాల కావేరి, వెయిట్ లిఫ్టింగ్ వరల్డ్ ఛాంపియన్షిప్లో పతకం సాధించిన క్రీడాకారిణి సాదియా అల్మాస్ ను శ్రీ బాల గణపతి ఉత్సవ సేవా సంఘం ప్రతినిధులు ఘనంగా సత్కరించి అభినందనలు తెలిపారు. తొలుత నృత్య కళాకారిణి దీపాల కావేరి ఆధ్వర్యంలో మంగళగిరి శ్రీ శారదా సంగీత నృత్య కళాశాల బృందంతో "భరత నాట్యం" నృత్య ప్రదర్శన జరిగింది.
బాలగణపతి ఉత్సవ సంఘం కన్వీనర్ గుంటి నాగరాజు, నియోజకవర్గ టిడిపి సమన్వయకర్త నందం అబద్దయ్య, ఉత్సవ కమిటీ టౌన్ కన్వీనర్ డాక్టర్ మునగపాటి వెంకటేశ్వరరావు, కమిటీ పట్టణ అధ్యక్షులు డోకుపర్తి శ్రీనివాసరావు, వూట్ల శ్రీమన్నారాయణ, ఊట్ల పాల శ్రీనివాసరావు, బిట్రా శ్రీనివాసరావు, పొట్లాబత్తుని లక్ష్మణరావు, బాల గణపతి ఉత్సవ సేవా సంఘం సభ్యులు తదితరులు పాల్గొన్నారు.
|
|