ఘనంగా హిందీ భాషా దినోత్సవ వేడుకలు
Andhra Pradesh Telugu | Suryaa Desk | Published : Wed, Sep 14, 2022, 02:49 PM
గవరపాలెం శంకర్ కాలనీ లోని హిమశేఖర్ స్కూల్లో హిందీ భాషా దినోత్సవం వేడుకలు ఘనంగా నిర్వహించారు. ముఖ్య అతిధిగా స్కూల్ చైర్మన్ కె. ఉషా నందిని పాల్గొని మాట్లాడారు. భారత జాతియోధ్యమంలో అఖిల భారతాన్ని జాగృతం చేసి ఏకతాటిపై నడిపేందుకు ఉపయోగపడిన భాష హిందీ భాష అని అన్నారు. ప్రిన్సిపాల్ పి. సురేష్ చౌదరి మాట్లాడుతూ ఈ రోజున దేవనాగరి లిపి నుంచి తీసుకొని భారత అధికారిక భాష గా హిందీ ని గుర్తించడంలో ఎనలేని కృషి చేసిన బియోహార్ రాజేంద్ర సింహ పుట్టినరోజు కూడా ఈ రోజే కావడం విశేషం అని , రాజ్యాంగం లోని ఆర్టికల్ 343 ప్రకారం దేశం లో గుర్తించబడ్డ 22 బాషల్లో హిందీ ని అధికారికంగా గుర్తించారని అందువల్ల ఈ రోజు హిందీ భాషని గౌరవించుకుంటున్నామని అన్నారు. పిల్లలందరూ హిందీ నేర్చుకోవాలని సూచించారు. ఈ సందర్భంగా పిల్లలకు హిందీ లో వ్యాసరచన, పాటలు, డ్రామా, ఉపన్యాస పోటీలు నిర్వహించి గెలుపొందిన వారికి బహుమతులును అందజేశారు. కె గోపి కృష్ణ, ఎమ్ కృష్ణ, సాహుమెహని, పుష్ప భవాని, జ్యోష్ణ, అధ్యాపకులు సర్వలక్ష్మి, జగన్, ప్రసన్న, అనూష, సంతోషి, నాగలక్ష్మి, వరలక్ష్మి పాల్గొన్నారు.
|
|