శ్రీ లక్ష్మీ నరసింహ స్వామికి ప్రత్యేక అభిషేకం
Bhakthi | Suryaa Desk | Published : Sat, Sep 17, 2022, 05:26 PM
బద్వేల్ నియోజకవర్గం స్వయంభు శ్రీలక్ష్మి నరసింహస్వామి దేవస్థానంలో భాద్రపద మాసం మూడో శనివారం సందర్భంగా వేకువజాము నుంచి స్వామివారికి ప్రత్యేక అభిషేకాలు, పూజా కార్యక్రమం నిర్వహించారు. వీడియో కాల్ ద్వారా స్వామి వారిని పలువురు సినీ ప్రముఖులు, రాజకీయ నాయకులు, వ్యాపారవేత్తలు ప్రత్యక్షంగా దర్శించుకున్నారు. స్వామివారు, అమ్మవారు భక్తులకు ప్రతేక అలంకరణలో దర్శనమిచ్చారు.
భక్తులు స్వామివారిని దర్శించుకోవడం వలన అనుకున్న పనులు అతి త్వరగా జరుగుతున్నాయని ప్రగాఢ నమ్మకాన్ని తెలియజేశారు. అనంతరం నిర్వహించిన అన్నదాన కార్యక్రమానికి గుర్రంపాటి వెంకట్ రెడ్డి (జిల్లా మలేరియా అధికారి) ధర్మపత్ని సుబ్బలక్ష్మమ్మ వారి కుమారులు సహకరించారు. ఈ కార్యక్రమంలో మాజీ సర్పంచ్ మాధవ రెడ్డి, సివిల్ సప్లై డైరెక్టర్ సుందర రామిరెడ్డి, గుర్రంపాటి వెంగల్ రెడ్డి, ఏపీ ఎన్జీవో అధ్యక్షుడు అమర్నాథ్ రెడ్డి, మాజీ సెక్రెటరీ నర్సింహారెడ్డి, శివరామి రెడ్డి, సుబ్బరాజ పలువురు ప్రముఖులు, ప్రజలు పాల్గొన్నారు.
|
|