ట్రెండింగ్
మోహన్ బాబు కుటుంభానికి హైకోర్టులో ఊరాట
Andhra Pradesh Telugu | Suryaa Desk | Published : Mon, Sep 19, 2022, 10:30 PM
గత 2019 ఎన్నికల నాటి కేసు విషయంలో ప్ర‌ముఖ సినీ న‌టుడు మంచు మోహన్ బాబుకు సోమ‌వారం ఏపీ హైకోర్టులో ఊర‌ట ల‌భించింది. మంచు మోహన్ బాబు, ఆయ‌న ఇద్ద‌రు కుమారులు మంచు విష్ణు, మంచు మ‌నోజ్‌ల‌పై తిరుప‌తి కోర్టులో ఓ కేసు విచార‌ణ సాగుతున్న సంగ‌తి తెలిసిందే. 2019 ఎన్నిక‌ల్లో రాష్ట్రంలో ఎన్నికల కోడ్ అమ‌ల్లో ఉండ‌గా... ఎన్నికల కోడ్‌ను ఉల్లంఘిస్తూ మోహన్ బాబు త‌న ఇద్ద‌రు కుమారుల‌తో క‌లిసి ధ‌ర్నాకు దిగారు.
ఈ వ్య‌వ‌హారంపై మోహన్ బాబు, ఆయ‌న ఇద్ద‌రు కుమారుల‌పై తిరుప‌తి పోలీసులు కేసు నమోదు చేయ‌గా... ఈ కేసు విచార‌ణ తిరుప‌తి కోర్టులో సాగుతోంది. ఈ విచార‌ణ‌ను నిలుపుద‌ల చేయాలంటూ మోహన్ బాబు ఇటీవ‌లే హైకోర్టులో పిటిష‌న్ దాఖ‌లు చేశారు. ఈ పిటిష‌న్‌పై సోమ‌వారం విచార‌ణ చేపట్టిన హైకోర్టు... తిరుప‌తి కోర్టులో కేసు విచార‌ణ‌ను 8 వారాల పాటు నిలుపుద‌ల చేసింది.
|
|