గజరాజుకు దురదపుడితే ఏం చేస్తుందో తెలుసా

గజరాజుకు  కోపమోస్త ఏమవుతుందో తెలుసు...కానీ దురద వస్తే  ఏమతుతుందో తెలుసా...? అలాంటి ఓ వీడియో ఇపుడు వైరల్ గా మారింది. నేటి రోజుల్లో సోషల్ మీడియా విరివిగా ఉపయోగంలోకి వచ్చింది. ప్రతి రోజూ వేల సంఖ్యలో వీడియోలు వైరల్ అవుతున్నాయి. వైరల్ అయ్యే వీడియోల్లో జంతువులకు సంబంధించిన వీడియోలు అధికంగా ఉంటున్నాయి. కొన్ని రకాల జంతువులు చేసే అల్లరి పనులు చూసి అంతా నవ్వుకుంటారు. అందుకే ఇటువంటి వీడియోలు తెగ వైరల్ అవుతుంటాయి. ఇప్పుడు కూడా.. ఒక ఏనుగు వీడియో తెగ వైరల్ అవుతోంది. ఈ వీడియోని చూసిన నెటిజన్లు భిన్నంగా స్పందిస్తున్నారు. అసలు ఇంతకీ ఏనుగు ఏం చేసిందో ఓసారి లుక్కేస్తే...

మనలో ఎవరికైనా వీపుకి దురద పుడితే ఏం చేస్తాం.. ఏదైనా కట్టె లాంటిది వాడి లేదా మన చేతులతో దురదగా ఉన్న ప్రదేశంలో ఉపశమనం కలిగేలా గోక్కుంటాం. కానీ ఏనుగుకు దురద పుడితే ఏం చేయాలో దానికి అర్థం కాలేదు. ఎలా తన దురదను తగ్గించుకోవాలో ఆలోచించింది. ఆ గజరాజుకు ఏ మార్గమూ తోచలేదు. చివరకు దారిలో వెళ్తున్న ఓ కారు మీద తన ప్రతాపాన్ని చూపెట్టింది. ఇందుకు సంబంధించిన వీడియో నెట్టింట్లో ప్రస్తుతం తెగ చక్కర్లు కొడుతోంది. ఈ వీడియోని ఇలా సోషల్ మీడియాలో షేర్ చేయగానే వైరల్‌గా మారింది. ఈ వీడియోని చూసిన వారు ఫన్నీ కామెంట్లు చేస్తున్నారు.

గజరాజుకు తన వీపులో దురద పుట్టింది. ఆ దురదను తగ్గించుకునేందుకు ఆ గజరాజుకు మార్గం కనిపించలేదు. దీంతో రోడ్డుపై వెళ్తున్న ఓ కారును ఆపింది. ఆ కారు ఆగగానే గజరాజు ఆ కారు మీద ప్రతాపం చూపెట్టడం మొదలుపెట్టింది. దాంతో ఆ కారు మొత్తం డ్యామేజ్ అయింది. కారు ముందు భాగం ఏనుగు దెబ్బకు నుజ్జునుజ్జు అయింది. వీడియోని గమనిస్తే ఏనుగు మొదట కారు ముందు ఎడమవైపు ఉన్న చక్రం మీద ఎక్కేందుకు ప్రయత్నించింది. ఎంతలా ప్రయత్నించినా చక్రాన్ని ఎక్కడం ఏనుగుకు వీలుపడలేదు. దీంతో అలసిపోయిన ఆ గజరాజు కారు ముందుకు వెళ్లి బానెట్ (కారు ఇంజిన్ అమర్చి ఉండే ముందు భాగం) పై కూర్చుంది. తన వీపును గీసుకునేందుకు ప్రయత్నించింది. కానీ బానెట్ పై కూర్చొని తన వీపును గీసుకోవడం ఆ గజరాజుకు సాధ్యపడలేదు. ఏనుగు ఇలా చేయడం వల్ల దాదాపు ఆ కారు బానెట్ మొత్తం డ్యామేజ్ అయిపోయింది. ఇక చేసేదేం లేక ఆ గజరాజు కారు పైకి ఎక్కి.. బంపర్ విరగ్గొట్టింది. దీంతో బెంబేలెత్తిపోయిన ఆ కారు డ్రైవర్ తన కారును రివర్స్ తీసుకుని వెళ్లిపోయాడు.

ఇలా ఏనుగు కారును డ్యామేజ్ చేసిన ఫన్నీ వీడియోని ట్విటర్‌లో షేర్ చేయగానే ఈ వీడియో వైరల్ అయ్యింది. ఒకటి కాదు రెండు కాదు.. వీడియోకి మిలియన్లలో వ్యూస్, వేలల్లో లైక్స్ వచ్చి పడ్డాయి. కామెంట్లకు అయితే లెక్కే లేకుండా పోయింది. ఈ వీడియోను చూసిన ప్రతి ఒక్కరూ ఏదో ఒక రకమైన ఫన్నీ కామెంట్ చేస్తూ షేర్ చేస్తున్నారు. కొంతమంది ఈ సీన్ గురించి ఇన్సూరెన్స్ కంపెనీకి వివరించాలని కామెంట్ చేయగా... మరి కొంత మంది ఏనుగు ఇలా చేస్తుందా? అని ఆశ్చర్యపోతున్నారు.