అభివృద్ధికి రూ. 50కోట్లతో ప్రణాళికలు
Andhra Pradesh Telugu | Suryaa Desk | Published : Tue, Oct 04, 2022, 05:14 PM
గుంటూరు, మంగళగిరి: దుగ్గిరాల మండలం ఈమని గ్రామం గౌడ సామాజిక వర్గానికి చెందిన సుమారు 30 కుటుంబాలు ఎమ్మెల్యే ఆర్కే, ఎమ్మెల్సీ హనుమంతరావు సమక్షంలో తేదేపా పార్టీని వీడి వైఎస్ఆర్ కాంగ్రెస్ పార్టీలో మంగళవారం చేరారు. మంగళగిరి ఆటోనగర్ లో జరిగిన కార్యక్రమంలో ఎమ్మెల్యే ఆర్కే పార్టీలో చేరిన వారిని సాధరంగా ఆహ్వానించి పార్టీ కండువాలను కప్పారు.
అనంతరం ఎమ్మెల్యే మాట్లాడుతూ బీసీలు వెనుకబడిన తరగతుల వారు కాదు, మనందరికీ వెన్నెముక లాంటి వారు అని ఇప్పటికే సీఎం జగన్ రాష్ట్రంలో ఆయన పరిపాలన విధానంతో నిరూపించారని అన్నారు. దుగ్గిరాల మండలానికి సంబంధించి జగన్మోహన్ రెడ్డి ఆశీస్సులతో సుమారు రూ. 50 కోట్ల ప్రత్యేక నిధులతో రానున్న రోజుల్లో పలు అభివృద్ధి కార్యక్రమాలు చేపట్టనున్నట్లు తెలిపారు. ఇప్పటికే నగరపాలక సంస్థ పరిధిలో సుమారు 70 లక్షల నిధులతో గౌడ సామాజికవర్గ సోదరులకు ప్రత్యేకంగా సర్ధార్ గౌతు లచ్చన్న పేరుతో కమ్యూనిటీ హాలును నిర్మించామని ఎమ్మెల్యే ఆర్కే గుర్తుచేశారు.
|
|