ట్రెండింగ్
రెండు వ్యాన్లు ఢీ.. వ్యక్తికి గాయాలు
Andhra Pradesh Telugu | Suryaa Desk | Published : Mon, Oct 10, 2022, 01:59 PM
రెండు వ్యాన్ లు ఢీకొన్న ఘటనలో ఒక వ్యక్తికి గాయాలయినట్లు స్థానిక ఎస్సై ప్రసాదరావు తెలిపారు. సోమవారం ఉదయం హైదరాబాద్ నుండి విశాఖకు ఇంజన్ ఆయిల్ లోడుతో వెళుతున్న ఐషర్ వ్యాన్ అడ్డురోడ్డు దాటిన తరువాత గోకులపాడు బంక్ దగ్గర్లో టైర్లు పేలిపోవడంతో రహదారి ప్రక్కన నిలిపినట్లు తెలిపారు. అదే మార్గంలో వెళుతున్న మరొక ఐషర్ వ్యాన్ ఆగి వున్న వ్యాన్ ను వెనుక నుండి బలంగా ఢీ కొట్టిందన్నారు. దీంతో వెనుక వ్యాన్ క్లీనర్ కు తీవ్ర గాయాలు కావడంతో హైవే పెట్రోలింగ్ సిబ్బంది హుటాహుటిన నక్కపల్లి ప్రభుత్వాసుపత్రికి తరలించినట్లు తెలిపారు. వ్యాన్ సిబ్బంది ఫిర్యాదు మేరకు కేసు నమోదు చేసి దర్యాప్తు చేయనున్నట్లు ఎస్సై తెలిపారు.
|
|