భారత క్రికెట్ అభిమానులకు శుభవార్త
sports | Suryaa Desk | Published : Thu, Oct 13, 2022, 12:50 PM
టీమ్ ఇండియా ప్రపంచకప్ కోసం పేస్ బౌలర్ మహ్మద్ షమీ ఆస్ట్రేలియా వెళ్లాడు. బుధవార అక్టోబర్ 12 రాత్రి షమీ ఆస్ట్రేలియా బయలుదేరి వెళ్లాడు. ఇప్పటికే అక్కడ ప్రాక్టీస్ చేస్తున్న జట్టులో షమీ చేరనున్నాడు. షమీ విమానంలో ఉన్న ఫొటోలను ఇన్‌స్టాలో పంచుకున్నాడు. ప్రస్తుతం మహమ్మద్ షమీ ప్రపంచకప్ రిజర్వ్ ఆటగాళ్ల జాబితాలో ఉన్నాడు. అయితే ఇప్పుడు 15 మంది సభ్యుల జట్టులోకి వచ్చే అవకాశాలు మెరుగయ్యాయి. తొలుత బుమ్రా, దీపక్ చాహర్ గాయాల కారణంగా దూరం కావడంతో షమీ జట్టులోకి రావడం దాదాపు ఖాయమైంది. అయితే గతేడాది ప్రపంచకప్ తర్వాత షమీ భారత జట్టు తరఫున టీ20 మ్యాచ్‌లు ఆడలేదు. ఆస్ట్రేలియా సిరీస్‌కు ఎంపికైనప్పటికీ.. తొలి మ్యాచ్‌కు ముందే షమీకి కోవిడ్‌ సోకింది. దీంతో ఆస్ట్రేలియాతో పాటు దక్షిణాఫ్రికా సిరీస్‌కు దూరమయ్యాడు. ప్రపంచకప్‌కు ఫిట్‌నెస్‌ను నిరూపించుకోవాల్సిన నేపథ్యంలో నేషనల్ క్రికెట్ అకాడమీలో ప్రాక్టీస్ చేసి అక్కడ నిర్వహించిన ఫిట్‌నెస్ టెస్ట్‌లో ఉత్తీర్ణత సాధించాడు.
|
|