పవన్ కళ్యాణ్ ఫ్యాక్షన్ ముఠాలు నడుపుతున్నారా: పేర్నినాని
Andhra Pradesh Telugu | Suryaa Desk | Published : Mon, Oct 17, 2022, 08:06 PM
జనసేన అధినేత పవన్ కల్యాణ్ రాజకీయాలు చేస్తున్నారా?...లేదంటే ఫ్యాక్షన్ ముఠాలు నడుపుతున్నారా? అని వైసీపీ నేత, మాజీ మంత్రి పేర్ని నాని సోమవారం విమర్శలు గుప్పించారు. 3 పెళ్లిళ్లు చేసుకుని నీతులు, సూక్తులు చెబుతారా? అంటూ ఆయన పవన్ పై విరుచుకుపడ్డారు. నేర చరిత్ర కలిగిన వారు బయటకు వస్తే గానీ ప్రజల నుంచి వినతి పత్రాలు స్వీకరించరా? అని కూడా ఆయన పవన్ ను నిలదీశారు. పవన్ కల్యాణ్ డ్రామాలు చేస్తున్నారని కూడా ఆయన ఆగ్రహం వ్యక్తం చేశారు.
ఉత్తరాంధ్ర జిల్లాల పర్యటన నిమిత్తం శనివారం విశాఖ చేరుకున్న పవన్... ఆదివారం మీడియాతో మాట్లాడుతూ పలు కీలక వ్యాఖ్యలు చేసిన సంగతి తెలిసిందే. తాను 3 పెళ్లిళ్లు చేసుకున్నానని అసూయపడుతున్నట్లున్నారు... విడాకులిచ్చి మీరూ చేసుకోండి అంటూ పవన్ వ్యాఖ్యానించిన సంగతి తెలిసిందే. తాజాగా సోమవారం మీడియాతో మాట్లాడిన సందర్భంగా పవన్ వ్యాఖ్యలను ప్రస్తావించిన పేర్ని... ఆ వ్యాఖ్యలపై ఆగ్రహం వ్యక్తం చేశారు.
|
|