ట్రెండింగ్
వైఎస్‌ వివేకానందరెడ్డి కేసులో దర్యాప్తులో తీవ్ర జాప్యం జరుగుతోంది : సీబీఐ
Andhra Pradesh Telugu | Suryaa Desk | Published : Tue, Oct 18, 2022, 07:41 PM
వైసీపీ నేత, మాజీ మంత్రి వైఎస్‌ వివేకానందరెడ్డి హత్య కేసును ఆంధ్రప్రదేశ్ వెలుపల నిర్వహించేలా ఉత్తర్వులు జారీ చేయాలంటూ దాఖలైన పిటిషన్‌పై బుధవారం సుప్రీంకోర్టు విచారణ చేపట్టనుంది. వివేకా కుమార్తె సునీతారెడ్డి ఈ పిటిషన్ దాఖలు చేసిన సంగతి తెలిసిందే. ఈ పిటిషన్‌పై తదుపరి విచారణ జరగనున్న నేపథ్యంలో కేసును విచారిస్తున్న సీబీఐ మంగళవారం కోర్టులో కౌంటర్ దాఖలు చేసింది. ఈ కౌంటర్లో సీబీఐ అధికారులు పలు సంచలన విషయాలను ప్రస్తావించారు. నిందితులతో ఏపీ పోలీసులు కుమ్మక్కయ్యారని, దీంతో కేసు దర్యాప్తులో తీవ్ర జాప్యం జరుగుతోందని అంటున్నారు. నిందితులు చెప్పినట్లు స్థానిక పోలీసులు వ్యవహరించారని ఆమె అన్నారు. ఈ కేసును దర్యాప్తు చేస్తున్న అధికారిపై స్థానిక నిందితులు కేసు పెట్టారని పేర్కొంది. తాము చెప్పినట్లు స్టేట్ మెంట్ ఇచ్చే అధికారి శంకరయ్యకు పదోన్నతి కల్పించామన్నారు.
|
|