ట్రెండింగ్
నా పిల్లల పేరిట ఉన్న ఫిక్స్‌డ్‌ డిపాజిట్లు తీసి పార్టీ కార్యాలయం కోసం ఇచ్చాం
Andhra Pradesh Telugu | Suryaa Desk | Published : Wed, Oct 19, 2022, 11:45 AM
గతం, వర్తమానం, భవిష్యత్తు అన్నీ మాట్లాడుకుందాం అంటూ నిన్న మంగళగిరిలో జనసేన పార్టీ అధినేత పవన్ కళ్యాణ్ మాట్లాడుతూ... నేను స్కార్పియోలు కొంటే ఎవరిచ్చారని అడిగారు. గత 8 ఏళ్లలో నేను 6 సినిమాలు చేశా. రూ.100కోట్ల నుంచి రూ.120కోట్ల ఆదాయం సంపాదించా. రూ.33కోట్లకు పైగా పన్నులు చెల్లించా. నా పిల్లల పేరిట ఉన్న ఫిక్స్‌డ్‌ డిపాజిట్లు తీసి పార్టీ కార్యాలయం కోసం ఇచ్చాం అని జనసేన అధ్యక్షులు పవన్ కళ్యాణ్ తెలిపారు. అలానే రెండు రాష్ట్రాల సీఎం సహాయనిధికి రూ.12కోట్లు.. అయోధ్య రామాలయం నిర్మాణం కోసం రూ.30లక్షలు ఇచ్చాను. పార్టీ పెట్టిన నాటి నుంచి బ్యాంకు ఖాతాల్లో రూ.15.58కోట్ల కార్పస్‌ఫండ్‌ విరాళాలు వచ్చాయి. కౌలు రైతు భరోసా యాత్ర కోసం రూ.3.50కోట్లు వచ్చాయి. నా సేన కోసం నా వంతు’కు రూ.4కోట్లు అందాయి. అని లెక్కలతో సహా చెప్పడం జరిగింది.
|
|