ట్రెండింగ్
రేపే పోలీసు అమర వీరుల స్మారక సంస్మరణ దినం వేడుకలు
Andhra Pradesh Telugu | Suryaa Desk | Published : Thu, Oct 20, 2022, 03:35 PM
అనంతపురం జిల్లా పోలీసు హెడ్ క్వార్టర్స్ లోని పోలీసు అమర వీరుల స్మారక స్థూపం వద్ద రేపు నిర్వహించనున్న సంస్మరణ దినం వేడుకల ఏర్పాట్లను జిల్లా ఎస్పీ డాక్టర్ ఫక్కీరప్ప కాగినెల్లి IPS ఆదేశాల మేరకు అదనపు ఎస్పీ ఇ.నాగేంద్రుడు పరిశీలించారు. పోలీస్ అమరవీరుల సంస్మరణ దినోత్సవం వేడుకలలో భాగంగా నిర్వహించాల్సిన పలు కార్యక్రమాలు, తీసుకోవాల్సిన చర్యలు గురించి పోలీసు అధికారులకు దిశా నిర్దేశం చేశారు. ముఖ్య అతిధి, ప్రముఖుల రాక, పార్కింగ్, స్మృతి పరేడ్ నిర్వహణ, అమరులకు నివాళులు అర్పించడంలో పాటించాల్సిన విధివిధానాలు,తదితర విషయాలను సమగ్రంగా చర్చించి,అధికారులకు తగు ఆదేశాలు జారీ చేశారు. ఈ కార్యక్రమంలో ఏ.ఆర్ అదనపు ఎస్పీ హనుమంతు,తదితరులు పాల్గొన్నారు
|
|