బాబు దర్శకత్వంలో పవన్ హంగామా: మంత్రి కొట్టు సత్యనారాయణ
Andhra Pradesh Telugu | Suryaa Desk | Published : Mon, Oct 24, 2022, 08:02 PM
దేశం పార్టీ అధినేత చంద్రబాబునాయుడు డైరెక్షన్‌లో విశాఖపట్నంలో పవన్ కళ్యాణ్ హంగామా సృష్టించారని రాష్ట్ర దేవాదాయ శాఖ మంత్రి కొట్టు సత్యనారాయణ ఆరోపించారు. జనసేన పార్టీ నాయకులు అసహనంతో ఉన్నారని.. రూల్స్ అంటే వారికి లెక్కలేదని ఆయన విమర్శించారు. తెలుగు . డైలాగులు, ఫైట్లు ఎంత ఎక్కువ చేస్తే ఆ సినిమా హిట్టు అవుతుందనే ఫార్ములాతో పవన్ కళ్యాణ్ రాజకీయాల్లో వ్యవహరిస్తున్నారని ఎద్దేవా చేశారు.
రాజకీయాల్లో వుండేవాళ్లు అద్దాల మేడలో ఉంటారనే విషయాన్ని పవన్ కళ్యాణ్ మర్చిపోతున్నారని మంత్రి కొట్టు సత్యనారాయణ పేర్కొన్నారు. తనపై జనసేన కార్యకర్తలు దాడి చేస్తారని ఇంటెలిజెన్స్ వర్గాలు హెచ్చరికలు జారీ చేసినట్లు వార్తలు వెలువడిన నేపథ్యంలో మంత్రి కొట్టు సత్యనారాయణ రియాక్ట్ అయ్యారు. తాను 2004లో ఎమ్మెల్యే అయినప్పటి నుంచి తాడేపల్లిగూడెంలో రౌడీయిజాన్ని రూపుమాపామని చెప్పారు. అలాంటి తనపై దాడులు జరిగే అవకాశమే లేదని ఆయన ధీమా వ్యక్తం చేశారు.
ఇక, జనసేన అధినేత పవన్ కళ్యాణ్ మహిళపై చేసిన వ్యాఖ్యలతో ఆ పార్టీ మరింత దిగజారిపోయిందని మంత్రి కొట్టు సత్యనారాయణ తెలిపారు. అంపశయ్యపై ఉన్న టీడీపీని బ్రతికించేందుకు పవన్ కళ్యాణ్ ప్రయత్నిస్తున్నారని ఆయన మండిపడ్డారు. భారతీయ వివాహ వ్యవస్థను అవమానించే విధంగా పవన్ వ్యాఖ్యలు చేస్తున్నారని ఆయన తీవ్ర ఆగ్రహం వ్యక్తం చేశారు.
|
|