ఇచ్చిన హామీను నెరవేర్చే దిశగా చర్యలు చేపట్టిన ఎమ్మెల్సీ
Andhra Pradesh Telugu | Suryaa Desk | Published : Thu, Oct 27, 2022, 12:49 PM
శృంగవరపుకోట మండలంలో ప్రజలకు ఇచ్చిన హామీలను తూచా తప్పకుండా అమలు చేస్తూ, మిగిలి ఉన్న హామీలను నెరవేర్చే దిశగా స్థానిక శాసనమండలి సభ్యులు ఇందుకూరి రఘురాజు అడుగులు వేస్తున్నారు. ఇటీవల శృంగవరపుకోట మండలం మూలబొడ్డవర పంచాయతీ పరిధిలోగల భవానినగర్ గ్రామంలో గల అంగన్వాడి పాత భవనం శిథిలావస్థకు చేరుకున్న నేపథ్యంలో భవాని నగర్ గ్రామానికి చెందిన ప్రజలు ఎమ్మెల్సీ ఇందుకూరిని కలసి శిథిలావస్థకు చేరుకున్న భవనాన్ని తొలగించి, నూతనంగా నిర్మాణం చేపట్టిన అంగన్వాడి భవనంలో అంగన్వాడీ కేంద్రాన్ని ఏర్పాటు చేసుకునే విధంగా చర్యలు చేపట్టాలని ఇటీవల వినతిపత్రాన్ని సమర్పించారు. ఈ మేరకు ఎమ్మెల్సీ ఇందుకూరి రఘురాజు గురువారం భవానినగర్ లో గల శిథిలావస్థకు చేరుకున్న పాత భవనాన్ని పరిశీలించి, తక్షణమే తొలగించాలని ఆయన సంబంధిత ఇంజనీరింగ్ అధికారులను ఆదేశిస్తూ, నిర్మాణంలో ఉన్న కొత్త భవనాన్ని త్వరలోనే పూర్తి చేసి, వినియోగంలోకి తీసుకొచ్చే విధంగా సత్వర చర్యలు చేపడతామని హామీ ఇచ్చారు. ఎమ్మెల్సీ హామీ మేరకు గ్రామంలో గల ప్రజలు హర్షం వ్యక్తం చేశారు. ఈ కార్యక్రమంలో మూలబడ్డవర గ్రామ సర్పంచ్ మీనా కుమారి, వైస్ సర్పంచ్ ఆడారి అప్పారావు, స్థానిక వైయస్సార్ కాంగ్రెస్ పార్టీ నాయకులు మురళి రాజు, ఆడారి చిన్న అప్పారావు, పెంటకోట తాతారావు, సన్యాసి దేవుడు, అంగన్వాడి టీచర్ భారతీ తదితరులు పాల్గొన్నారు.
|
|